लहू चव्हाण
पाचगणी : गोडवली (ता.महाबळेश्वर) येथील डॉ. बाबासाहेब आंबेडकर नगर प्रवेशद्वाराजवळ बांधलेली कचराकुंडी त्वरित हटवण्याबाबत डॉ.बाबासाहेब आंबेडकर नगर येथील नागरिकांनी गोडवली ग्रामपंचायतीस निवेदन दिले आहे.
गोडवली ग्रामपंचायतीने बांधलेली नवीन कचराकुंडी ही डॉ. बाबासाहेब आंबेडकर नगर प्रवेशद्वारा लगत असल्याने डॉ बाबासाहेब आंबेडकर यांच्या नावाची विटंबना होणार असून आपण त्वरित नवीन बांधलेली कचराकुंडी तेथून हटवावी. अशी मागणी निवेदनाद्वारे करण्यात आली आहे.
या निवेदनावर विनित मोरे,विशाल मोरे, अजित मोरे, सचिन मोरे,दादाराम कांबळे, संतोष कांबळे, प्रविण मोरे, रविंद्र मोरे, किरण सोनावणे, रोहित मोरे, प्रशांत कांबळे, विवेक कांबळे आदींच्या सह्या आहेत.
