पुणे: दसऱ्याच्या (Vijayadashami) शुभ मुहूर्तावर सोन्या-चांदीच्या (Gold Rate Today) बाजारात मोठी उसळी पाहायला मिळाली आहे. दर इतके झपाट्याने वाढले आहेत की, गुंतवणूकदार आणि ग्राहक अक्षरशः थक्क झाले आहेत. पारंपरिकरित्या आजच्या दिवशी सोने-चांदीची खरेदी शुभ मानली जाते, पण एवढ्या वाढलेल्या भावामुळे अनेकांना सोने खरेदी करणे कठीण झाले आहे. गतवर्षीच्या तुलनेत या वर्षी दरात मोठा फरक पडला असून, त्यावरून बाजारातील अस्थिरता स्पष्ट दिसते. जागतिक घडामोडी आणि डॉलरच्या किमतीमुळे सोन्याचांदीच्या दरात आणखी चढ-उतार होण्याची शक्यता तज्ज्ञांनी व्यक्त केली आहे.
आजचे दर (Gold Rate Today)
-
सोने : 1,21,000 रुपये (10 ग्रॅम)
-
चांदी : 1,51,000 रुपये (1 किलो)
गतवर्षीचे दर (Gold Rate 2024)
विजयादशमी 2024 मध्ये सोन्याचा दर होता 76,000 रुपये (10 ग्रॅम), तर चांदीचा दर होता 93,000 रुपये (1 किलो). म्हणजेच फक्त एका वर्षात सोन्याच्या दरात तब्बल 45,000 रुपयांची उसळी, तर चांदीच्या दरात जवळपास 58,000 रुपयांची वाढ झाली आहे.
वाढीमागचं कारण
आंतरराष्ट्रीय बाजारात चलनवाढ, डॉलरची किंमत आणि जागतिक राजकीय अस्थिरता यामुळे सोन्या-चांदीसारख्या मौल्यवान धातूंची मागणी वाढली आहे. त्यामुळे भारतीय बाजारातही दर झपाट्याने वाढत असल्याचे तज्ज्ञ सांगतात.
ग्राहकांची भूमिका
सणासुदीच्या काळात पारंपरिकरित्या सोने-चांदी खरेदी करण्याला मोठे महत्त्व असते. मात्र एवढ्या मोठ्या भाववाढीमुळे अनेकांनी सोने खरेदी करण्याचा विचार बदलला आहे. काही जण मात्र “किंमत आणखी वाढण्याआधी खरेदी करून घ्यावी” या भूमिकेत आहेत.
