Gold Rate: सोनं खरेदी करणाऱ्यांसाठी आजचा दिवस खास असणार आहे. बाजारात सोन्याच्या भावात मोठी घट झाली आहे त्यामुळे ग्राहकांना आज दिलासा मिळाला आहे. पंरतु चांदीचे दर मात्र थोडेसे वाढले आहेत. गेल्या काही दिवसांपासून सोन्याच्या किंमतीत चढ-उतार होत असताना, आज झालेल्या घटीनंतर ग्राहकांमध्ये उत्साह पाहायला मिळत आहे. (Gold Rate)
गुड रिटर्न्सने दिलेल्या माहितीनुसार, 24 कॅरेट सोन्याच्या 1 तोळ्याच्या दरात 540 रुपये इतकी घसरण झाल्याची नोंद आहे. आज 1 तोळा 24 कॅरेट सोन्याचा दर 1,30,150 रुपये इतका आहे. याशिवाय 10 तोळ्यांच्या सोन्यात 5,400 रुपये इतकी घट झाली असून त्याची किंमत आज 13,01,500 रुपये इतकी झाली आहे. मागील मंगळवारी हेच सोने रु. 13,06,900 मध्ये विकले गेले होते.
22 कॅरेट सोन्याच्या भावातही घट
आज 22 कॅरेट सोन्याच्या 1 तोळ्याच्या दरात 500 रुपये इतकी घट झाली असून नवीन किंमत 1,19,300 रुपये झाली आहे. तर 10 तोळे 22 कॅरेट सोन्याच्या दरात 5,000 रु. इतकी घसरण होऊन त्याची किंमत 11,93,000 रुपये वर आली आहे. याच सोन्याची किंमत शुक्रवारी रु. 11,98,900 होती.
चांदीचे दर मात्र वाढले
सोन्याच्या दरात घट झाली असताना चांदीच्या किंमतीत हलकी वाढ नोंदवली गेली आहे. 1 ग्रॅम चांदीच्या दरात 3 रुपये इतकी वाढ झाली आहे.
आज जर तुम्ही सोने किंवा चांदी खरेदी करण्याचा विचार करत असाल, तर हा दिवस तुलनेने फायदेशीर ठरू शकतो.
