पुणे : गेल्या एका आठवड्यात सोने आणि चांदीच्या दरांमध्ये मोठी वाढ झाली आहे. या दरवाढीमुळे दागिने खरेदी करणारे आणि सोन्यामध्ये गुंतवणूक करणाऱ्यांचे लक्ष पुन्हा एकदा बाजाराकडे वेधले गेले आहे.24 कॅरेट सोन्याच्या भावात 1800 रुपयांची वाढ झाली आहे.
गेल्या सात दिवसांत 24 कॅरेट सोन्याच्या भावात 1800 रुपयांची वाढ झाली आहे, तर 22 कॅरेट सोने 1650 रुपयांनी महागले आहे. 26 जुलै 2026 रोजी मुंबईत 24 कॅरेट सोन्याचा भाव 1,44,930 रुपये प्रति 10 ग्रॅम नोंदवला गेला. तसेच 22 कॅरेट सोन्याचा दर 1,32,850 रुपये प्रति 10 ग्रॅमवर पोहोचला आहे.
यापूर्वी 24 जुलै रोजी दिल्लीच्या सराफा बाजारात सोन्याच्या दरात 2000 रुपयांची घसरण होऊन भाव 1,47,200 रुपयांवर आला होता. परंतु, त्यानंतर बाजारात पुन्हा वेगाने सोन्या -चांदीचे दर वाढले आहेत.
सोन्यासोबतच चांदीच्या किमतीतही मोठी तेजी दिसून येत आहे. एका आठवड्यात चांदीच्या भावात तब्बल 10,000 रुपये प्रति किलोने वाढ झाली असून आजचा चांदीचा दर 2,40,000 रुपये प्रति किलोवर पोहोचला आहे.त्यामुळे ग्राहकांचे टेन्शन वाढले आहे.
