पिंपरी : पिंपरी-चिंचवड येथील शाहूनगर परिसरातील अरणेश्वर हाउसिंग सोसायटीमधील एका फ्लॅटला भीषण आग लागल्याची घटना घडली आहे. या आगीत एक ३ बीचएकके फ्लॅट जळून खाक झाला आहे. या घटनेत काेणतीही जिवीत हानी झालेली नाही. आगीचे कारण अद्याप समजू शकले नाही. ही घटना आज (साेमवार) दुपारी एक वाजण्याच्या सुमारास घडली.
याबबत मिळालेल्या अधिक माहितीनुसार, अरणेश्वर हाउसिंग सोसायटी मधील पहिल्या मजल्यावरील एका फ्लॅटला भीषण आग लागली. या आगीची माहिती मिळताच अग्निशमन दलाचे जवान तातडीने घटनास्थळी दाखल झाले.
काही वेळातच अग्निशमन दलाच्या जवानांनी आग आटोक्यात आणली. या फ्लॅटमधील बेडरूमला लागलेल्या आगीमुळे संपुर्ण साहित्य जळून खाक झालं आहे. अग्निशमन दलाचे कर्मचारी बालाजी वैद्य म्हणाले की, आम्ही घटनास्थळी पाेहचल्यानंतर प्रथम आजीची घरातून सुटका केली. ही आग पूर्णपणे विझविण्यात आली आहे. सुदैवाने या आगीत कोणतीही जीवित हानी झाली नाही मात्र मोठ्या प्रमाणात नुकसान झाले आहे.
