Film News : मुंबई : पुढील नोव्हेंबर महिना हा सिनेमांचा महिना ठरणार आहे. कारण, या नोव्हेंबर महिन्यात सलमान खान याच्या ‘टायगर 3’सह अनेक सिनेमे रिलीज होणार आहेत. हे सर्व सिनेमे रिलीज होऊन मोठी कमाई करतील, असा अंदाज व्यक्त केला जात आहे. तर जाणून घेऊया कोणते सिनेमे होणार रिलीज…
24 नोव्हेंबरला प्रदर्शित
तुम्ही कॉमेडीचे शौकीन असाल तर नोव्हेंबरमध्ये ‘खिचडी’ चित्रपटाचा दुसरा भाग तुम्हाला हसवायला येणार आहे. हा चित्रपट 17 नोव्हेंबरला मोठ्या पडद्यावर प्रदर्शित होणार आहे. तसेच सलमान खानची भाची अलिझेह अग्निहोत्री ‘फर्रे’ या चित्रपटाद्वारे बॉलिवूडमध्ये पदार्पण करणार आहे. हा चित्रपट स्वतः अभिनेत्याच्या होम प्रॉडक्शनमध्ये बनवला आहे. जो 24 नोव्हेंबरला प्रदर्शित होणार आहे.
या यादीत नाव शिल्पा शेट्टीचे पती राज कुंद्रा यांच्या ‘UT69’ या चित्रपटाचा समावेश आहे. हा सिनेमा 3 नोव्हेंबरला प्रदर्शित होत आहे. या चित्रपटाच्या माध्यमातून राज त्यांचे तुरुंगातील वाईट दिवस पडद्यावर आणणार आहेत. काही दिवसांपूर्वीच या चित्रपटाचा ट्रेलर प्रदर्शित झाला आहे.
