मुंबई: भारताविरुद्ध राजकोट कसोटी गमावल्यानंतर इंग्लंडचा संघ निशाण्यावर आला आहे. इंग्लंडचा संघ भारताविरुद्धची कसोटी मालिका कोणत्याही परिस्थितीत जिंकणार नाही, असे मत माजी कर्णधार मायकल वॉनने व्यक्त केले. इंग्लंडचा माजी कर्णधार मायकल वॉनने युवा भारतीय खेळाडू यशस्वी जैस्वालचे कौतुक केले आहे. यशस्वी जैस्वालच्या रूपाने भारताला पुढचा वीरेंद्र सेहवाग मिळाला आहे, असे मायकेल वॉनचे मत आहे.
मायकेल वॉनने इंग्लंड संघावर जोरदार टीका केली आहे. मायकेल वॉन म्हणाला, ‘‘इंग्लंड संघ न्यूझीलंडमध्ये मालिका जिंकू शकला नाही. घरच्या मैदानावर ऑस्ट्रेलियाविरुद्ध ॲशेस खेळताना इंग्लंडला विजय मिळाला नाही. असेच खेळत राहिल्यास इंग्लंड भारताविरुद्धची पाच कसोटी सामन्यांची मालिका गमावेल.
इंग्लंडने दमदार सुरुवात केली होती
इंग्लंडला टार्गेट केले जाण्याचे सर्वात मोठे कारण म्हणजे बेसबॉल. राजकोट कसोटीत वरचष्मा असतानाही इंग्लंड संघाला दारुण पराभवाला सामोरे जावे लागले. भारताच्या 445 धावांच्या प्रत्युत्तरात बेन डकेटने 151 धावांची खेळी करत इंग्लंडला चांगली सुरुवात करून दिली. पण पहिल्या डावात इंग्लंडचा संघ 319 धावांत आटोपला. यानंतर भारताला सामन्यात पुनरागमन करण्याची संधी मिळाली. भारताने इंग्लंडसमोर विजयासाठी 556 धावांचे लक्ष्य ठेवले होते. पण इंग्लंडचा संघ 122 धावांवर ऑलआऊट झाला आणि सामना 434 धावांनी गमावला.
भारताविरुद्धच्या मालिकेत इंग्लंडने शानदार सुरुवात केली. पहिल्या कसोटीत इंग्लंडचा संघ विजयाची नोंद करण्यात यशस्वी ठरला. मात्र, दुसरी कसोटी जिंकून भारताने मालिकेत दमदार पुनरागमन केले. आता भारत 5 कसोटी सामन्यांच्या मालिकेत 2-1 ने पुढे आहे. मालिकेतील चौथा सामना 23 फेब्रुवारीपासून रांची येथे खेळवला जाणार आहे.
