पुणे : राज्य सरकारची अत्यंत लोकप्रिय आणि महत्त्वाकांक्षी असलेली ‘मुख्यमंत्री माझी लाडकी बहीण योजना’ सध्या पुन्हा एकदा चर्चेत आली आहे. सध्या जुलै महिना सुरू झाला आहे, परंतु अनेक महिलांच्या खात्यात अद्याप जून महिन्याचे पैसे जमा झालेले नाहीत. त्यामुळे जून आणि जुलै अशा दोन्ही महिन्यांचे पैसे कधी येणार याकडे सर्वांच्या नजरा लागल्या असताना दोन्ही महिन्याचे 3000रुपये जमा होण्याची दाट शक्यता वर्तवली जात आहे.
मुख्यमंत्री माझी लाडकी बहीण या योजनेच्या माध्यमातून राज्यातील लाखो पात्र महिलांना दरमहा 1500 रुपयांची आर्थिक मदत दिली जाते.आता जुलै महिना सुरू झाला आहे, परंतु अनेक महिलांच्या खात्यात अद्याप जून महिन्याचे पैसे जमा झालेले नाहीत. त्यामुळे जून आणि जुलै अशा दोन्ही महिन्यांचे पैसे कधी येणार, असा प्रश्न महिलांकडून विचारला जात आहे. आता या दोन्ही महिन्यांचे मिळून एकूण 3000 रुपये पात्र भगिनींच्या बँक खात्यात पुन्हा एकदा एकत्र जमा होण्याची दाट शक्यता वर्तवली जात आहे.
सरकारच्या या हालचालीमुळे लाडक्या बहिणींचे बँक खाते लवकरच ‘फुल्ल’ होणार असून, त्यांना या आर्थिक मदतीमुळे मोठा दिलासा मिळणार आहे. प्रशासनाकडून या रखडलेल्या हप्त्यांचे वितरण लवकरच सुरू केले जाईल, अशी माहिती समोर येत आहे.
या योजनेबाबत दरम्यानच्या काळात ई-केवायसी न करणे, बँक खात्याशी आधार लिंक नसणे किंवा पात्रतेच्या निकषांमध्ये न बसणे अशा विविध कारणांमुळे राज्यभरातील सुमारे 80 लाख महिलांचा लाभ तात्पुरता थांबवण्यात आला होता.त्यामुळे लाडक्या बहिणीचीं चिंता वाढली होती. आता जुलैच्या हफ्त्याकडे सर्वांच्या नजरा लागल्या आहेत.
