लोणी काळभोर : करमाळा (जि. सोलापूर) येथील महात्मा गांधी विद्यालयाच्या सेवानिवृत्त शिक्षिका गोदावरी रामचंद्र वाघमारे (वय 71, रा. लोणी काळभोर, ता. हवेली) यांचे शुक्रवारी (ता. 9) दुपारी दीड वाजण्याच्या सुमारास अल्पशा आजाराने निधन झाले. त्यांच्या निधनामुळे लोणी काळभोरसह करमाळा परिसरात शोककळा पसरली आहे. लोणी काळभोर (ता.हवेली) येथील अंकुर बाल रुग्णालयाचे संचालक डॉ. नितीन वाघमारे यांच्या त्या मातोश्री होत.
गोदावरी वाघमारे यांनी आपल्या चारही मुलांना उच्च शिक्षण देऊन डॉक्टर बनविले. डॉ. नितीन वाघमारे, डॉ. गोपीचंद वाघमारे, डॉ. कल्पना आयरे आणि डॉ. कविता सोनवणे अशी त्यांच्या मुलांची नावे आहेत. मुलांच्या शिक्षणासाठी आणि उज्ज्वल भविष्यासाठी त्यांनी घेतलेले कष्ट व दिलेले संस्कार यामुळे वाघमारे कुटुंबाने वैद्यकीय क्षेत्रात आपली ओळख निर्माण केली.
गोदावरी वाघमारे या मागील दोन वर्षांपासून प्रदीर्घ आजाराने त्रस्त होत्या. या काळात त्यांच्या चारही मुलांनी त्यांची काळजी घेत उपचारांद्वारे त्यांना बरे करण्यासाठी प्रयत्न केले. मात्र, शुक्रवारी दुपारी त्यांची प्राणज्योत मालवली.त्यांच्या पश्चात दोन मुले, दोन मुली, सुना, जावई आणि नातवंडे असा मोठा परिवार आहे.
दरम्यान, गोदावरी वाघमारे यांच्या पार्थिवावर पुण्यातील कोरेगाव पार्क येथील स्मशानभूमीत अंत्यसंस्कार करण्यात आले. यावेळी सामाजिक, शैक्षणिक, वैद्यकीय आणि राजकीय क्षेत्रातील अधिकारी, पदाधिकारी तसेच विविध क्षेत्रांतील मान्यवरांनी उपस्थित राहून त्यांना श्रद्धांजली अर्पण केली.
