लोणी काळभोर :- कुंजीरवाडी (ता. हवेली) येथील श्रीराम कुंजीरवाडी विविध कार्यकारी सेवा सहकारी संस्थेच्या अध्यक्षपदी दादासाहेब उत्तमराव धुमाळ यांची तर उपाध्यक्षपदी संदीप गोपीचंद धुमाळ यांची बिनविरोध निवड करण्यात आली आहे.
श्रीराम कुंजीरवाडी विविध कार्यकारी सेवा सहकारी संस्थेची अध्यक्ष आणि उपाध्यक्षपदाची निवडणूक शुक्रवारी (ता. १५) पार पडली. हि निवडणूक प्रक्रिया निवडणूक निर्णय अधिकारी विजयसिंह माळवदकर यांच्या अध्यक्षतेखाली पार पडली. या निवडणुकीत अध्यक्षपदासाठी दादासाहेब धुमाळ यांचा तर उपाध्यक्षदासाठी संदीप धुमाळ यांचा एकमेव अर्ज आल्याने, माळवदकर यांनी अध्यक्षपदी दादासाहेब धुमाळ यांची तर उपाध्यक्षपदी संदीप धुमाळ यांची बिनविरोध निवड झाल्याची घोषणा केली. या निवडणूक प्रक्रियेत सचिव विवेक ठोंबरे यांनी शासकीय कामकाज पाहिले.
यावेळी कुंजीरवाडीचे माजी सरपंच संतोष कुंजीर, माजी सरपंच सचिन तुपे, माजी सरपंच सुनीता धुमाळ, श्रीनाथ पतसंस्थेचे अध्यक्ष संदीप सुखराज धुमाळ, माजी अध्यक्ष नारायण नाना कुंजीर, माजी अध्यक्ष सतीश काळूराम कुंजीर, उपसरपंच चंद्रकांत मेमाणे, उरुळी कांचन गावचे माजी तंटामुक्ती अध्यक्ष व विद्यमान ग्रामपंचायत सदस्य अमित कांचन, दिलीप मुरलीधर कुंजीर, भाऊसो गणपत कुंजीर आणि ग्रामस्थ मोठ्या संख्येने उपस्थित होते.
दरम्यान, सहकार क्षेत्रातील विकास सोसायट्यांची मूहुर्तमेढ रोवताना १९४२ साली संस्थेची स्थापना कै. नारायण कुंजीर यांनी केली आहे. संस्थेकडून भरीव कर्जवाटप, पिककर्ज आणि रासायनिक खतांची विक्री अशा स्वरुपात कारभार चालू आहे.
आगामी काळात संस्थेचा कारभार पारदर्शकपणे करणार आहे. तसेच संचालकमंडळ आणि सर्व सदस्यांना एकत्र घेऊन संस्थेचा विकास करण्यासाठी प्रयत्न करणार आहे. असे निवडीनंतर बोलताना नवनिर्वाचित अध्यक्ष दादासाहेब धुमाळ यांनी सांगितले.
