छत्तीसगड: छत्तीसगडमधील (Crime News) जशपूर जिल्ह्यात एक अत्यंत धक्कादायक आणि संतापजनक घटना समोर आली आहे. एका अल्पवयीन मुलीवर बलात्कार झाल्यानंतर चक्क तिच्या आईनेच आरोपीला साथ दिली आणि नंतर त्याच्याशी लग्न केल्याचे उघड झाले आहे. पीडित मुलीने अखेर वडिलांच्या मदतीने पोलीस ठाण्यात धाव घेत आई आणि बलात्कार करणाऱ्या तरुणाविरुद्ध तक्रार दाखल केली. पोलिसांनी दोन्ही आरोपींना अटक केली आहे. (Breaking News)
आरोपीसोबत लग्न लावून देण्याचं आमिष
पीडित 18 वर्षीय तरुणीने वडिलांसोबत पोलीस ठाण्यात तक्रार दाखल केली. तरुणीच्या आरोपानुसार, ती अल्पवयीन असताना एका तरुणाने तिच्यावर बलात्कार केला होता. तिची आई तिला आरोपीसोबत लग्न करून देण्याचे आमिष दाखवून गप्प बसायला लावत होती. इतकेच नाही, तर नंतर आईने मुलीला सोडून आरोपीसोबत शारीरिक संबंध ठेवले आणि त्याच्याशी लग्न करून खलीलाबाद शहरात राहायला गेली. या दोघांमुळे पीडित मुलीला 3 वर्षे मानसिक आणि शारीरिक छळ सहन करावा लागला. (Marathi News)
आईनेच आरोपीशी केलं लग्न
२०२१ मध्ये या घटनेप्रकरणी पीडितेच्या आईनेच सुरुवातीला आरोपीविरोधात तक्रार दाखल केली होती, तेव्हा पोक्सो कायद्यांतर्गत गुन्हा दाखल झाला होता आणि आरोपी फरार होता. मात्र नंतर आईने आरोपीशी लग्न केले. पीडितेचे वडील त्यावेळी मुंबईत कामासाठी गेले होते. ऑक्टोबर 2025 मध्ये ते घरी परतल्यावर मुलीने त्यांना संपूर्ण प्रकार सांगितला.
हेही वाचा: पुणेकरांसाठी ‘गुडन्यूज’! लोहगाव विमानतळबद्दल मोठा निर्णय; पुण्याच्या विकासाला ग्रीन सिग्नल…
पोक्सो कायद्याअंतर्गत गुन्हा दाखल
त्यानंतर वडिलांनी 27 ऑक्टोबर रोजी पोलीस ठाण्यात तक्रार दाखल केली. मात्र वडिलांनाच एका जुन्या प्रकरणात अटक करण्यात आली. 2 डिसेंबर रोजी त्यांची सुटका झाल्यानंतर त्यांनी पुन्हा पोलीस ठाण्यात धाव घेत आरोपी तरुण आणि आपल्या पत्नीविरुद्ध तक्रार दिली. पोलिसांनी या दोघांविरुद्ध पोक्सो कायदा आणि बलात्काराच्या आरोपाखाली गुन्हा दाखल करत त्यांना अटक केली आहे.
