IND VS ENG: मुंबई: जानेवारीपासून इंग्लंडविरुद्ध सुरू होणाऱ्या पाच कसोटी सामन्यांच्या मालिकेपूर्वी टीम इंडियासाठी दिलासादायक बातमी आहे. संघाचा स्टार सलामीवीर ऋतुराज गायकवाड याचे फिटनेस अपडेट समोर आले आहे. ऋतुराज गायकवाड तंदुरुस्त होऊन तिसऱ्या कसोटी निवडीसाठी उपलब्ध होऊ शकतो. दक्षिण आफ्रिकेविरुद्धच्या दुसऱ्या वनडेदरम्यान ऋतुराज गायकवाडला दुखापत झाली. या दुखापतीमुळे गायकवाड दक्षिण आफ्रिकेविरुद्धच्या कसोटी मालिकेत सहभागी होऊ शकला नाही.
भारत आणि इंग्लंड यांच्यातील मालिकेतील तिसरा सामना 15 ते 19 फेब्रुवारी दरम्यान राजकोटमध्ये खेळवला जाणार आहे. ऋतुराज गायकवाड या कसोटी सामन्यात निवडीसाठी उपलब्ध असेल. टाईम्स ऑफ इंडिया या इंग्रजी वृत्तपत्राने दिलेल्या वृत्तानुसार, “ऋतुराज गायकवाड राष्ट्रीय क्रिकेट अकादमीमध्ये फिटनेसवर काम करत आहे. ऋतुराज सात ते दहा दिवसांनी तंदुरुस्त होईल. यानंतर ऋतुराज गायकवाड महाराष्ट्राकडून रणजीमध्ये खेळण्यासाठी उपलब्ध होईल आणि सामन्यातील फिटनेस सिद्ध करेल. दुसऱ्या कसोटीनंतर ऋतुराजची राष्ट्रीय संघासाठी निवड होऊ शकते.
अभिमन्यूला संधी मिळेल
मात्र, गायकवाडला अद्याप कसोटीत पदार्पणाची संधी मिळालेली नाही. पण ऋतुराज गायकवाड एकदिवसीय आणि टी-२० मध्ये टीम इंडियाच्या सेटअपचा महत्त्वाचा भाग बनत आहे. गायकवाड यांनी आत्तापर्यंत भारतासाठी 6 एकदिवसीय आणि 19 टी-20 सामने खेळले आहेत.
तर कसोटी मालिकेत भारताकडून रोहित शर्मा आणि यशस्वी जैस्वाल सलामीची जबाबदारी सांभाळू शकतात. पहिल्या दोन सामन्यांमध्ये बॅकअप सलामीवीर म्हणून अभिमन्यू इसवरनला संघाचा भाग बनवले जाऊ शकते. ईश्वरन यापूर्वी इंग्लंडमध्ये बॅकअप सलामीवीर संघाचा भाग होता. इंग्लंडविरुद्धच्या दोन दिवसीय सराव सामन्यासाठीही अभिमन्यूला भारत अ संघाचा कर्णधार बनवण्यात आले आहे. इंग्लंडविरुद्धच्या चार दिवसीय सामन्यातही भारत अ संघाची जबाबदारी ईश्वरनकडेच राहणार आहे.
