CM Vijay Thalapathy :‘थलपती’ ते मुख्यमंत्री! जोसेफ विजय यांनी घेतली तामिळनाडूच्या सत्तेची शपथ; आई-वडील भावूक, जनतेत जल्लोष..

CM Vijay Thalapathy : चेन्नई : तामिळनाडूच्या राजकारणातील गेल्या काही दिवसांपासून सुरू असलेल्या प्रचंड सस्पेन्सनंतर अखेर Vijay यांनी आज मुख्यमंत्रीपदाची शपथ घेत राज्याच्या सत्तेची धुरा हाती घेतली. चेन्नईतील Jawaharlal Nehru Indoor Stadium येथे पार पडलेल्या भव्य शपथविधी सोहळ्यात राज्यपाल R. N. Ravi यांनी विजय यांना पद आणि गोपनीयतेची शपथ दिली. CM Vijay Thalapathy 

शपथविधीच्या वेळी स्टेडियममध्ये जमलेल्या हजारो समर्थकांनी टाळ्या, शिट्ट्या आणि घोषणांनी परिसर दणाणून सोडला. ‘थलपती’ मुख्यमंत्री झाल्याचा आनंद चाहत्यांच्या चेहऱ्यावर स्पष्ट दिसत होता. विजय शपथ घेत असताना त्यांच्या आई-वडिलांच्या डोळ्यांत आनंदाश्रू तरळल्याचे भावनिक दृश्यही पाहायला मिळाले. CM Vijay Thalapathy 

मुख्यमंत्री विजय यांच्या शपथविधीनंतर त्यांच्या निकटवर्तीय आणि पक्षातील महत्त्वाच्या नेत्यांनी मंत्रीपदाची शपथ घेतली. टीव्हीकेचे आमदार थिरू एन. आनंद यांनी मंत्री म्हणून शपथ घेतली. त्यानंतर विजय यांचे जवळचे सहकारी आणि विल्लिवाक्कम मतदारसंघाचे आमदार अधव अर्जुन यांनीही मंत्रीपद स्वीकारले. बास्केटबॉल फेडरेशनचे अध्यक्ष म्हणून ओळख असलेल्या अर्जुन यांनी निवडणुकीत डीएमके उमेदवाराचा पराभव केला होता. CM Vijay Thalapathy 

टीव्हीकेचे महासचिव अरुण राज यांनीदेखील मंत्रीपदाची शपथ घेतली. प्रशासकीय अनुभवामुळे त्यांना सरकारमध्ये महत्त्वाची जबाबदारी मिळण्याची चर्चा आहे. याशिवाय अनुभवी नेते सेंगोत्तैयन यांनीही मंत्री म्हणून शपथ घेतली. एआयएडीएमकेमधून टीव्हीकेत दाखल झाल्यानंतर त्यांनी विजय यांच्या पक्षासाठी महत्त्वाची भूमिका बजावली होती. CM Vijay Thalapathy 

टीव्हीकेच्या निवडणूक रणनीतीत सक्रिय भूमिका निभावणारे पी. वेंकटरामन, सोशल मीडिया टीमचे उपाध्यक्ष आर. निर्मल कुमार आणि तरुणांमध्ये लोकप्रिय असलेले डिजिटल कंटेंट क्रिएटर राजमोहन यांनीही मंत्रीपदाची शपथ घेत नवीन सरकारमध्ये स्थान मिळवले. CM Vijay Thalapathy 

तामिळनाडूत आता विजय यांच्या नेतृत्वाखालील नव्या सरकारकडून मोठ्या अपेक्षा व्यक्त केल्या जात असून, मनोरंजन क्षेत्रातून  राजकारणात आलेल्या ‘थलपती’च्या नव्या राजकीय प्रवासाकडे संपूर्ण देशाचे लक्ष लागले आहे. CM Vijay Thalapathy