बुलढाणा : समृध्दी महामार्गावर (Samruddhi Mahamarg) एक भीषण अपघात (Accident) झाला आहे. मुंबई कॉरिडॉरवरील चॅनल क्रमांक 304 येथे ही घटना घडली. कारला एका अज्ञात वाहनाने जोराची धडक दिली. यामुळे मोठा अपघात झाला आहे. या अपघातामध्ये तीज जण जागीच ठार झाले असून दोघेजण जखमी झाले. तत्काळ जखमीं झालेल्यांना उपचारासाठी हॉस्पिटलमध्ये दाखल करण्यात आले आहे.
अपघातामध्ये मृत्यू झालेल्यांची नावे लताबाई पुरुषोत्तम मेहेर, मुकेश अनुज राम मेहेर, अत्मजा मुनोरबोद असे आहे. या घटनेसंदर्भात मिळालेल्या माहितीनुसार, अज्ञात वाहन चालक वाहन घेऊन फरार झाला आहे. अपघातातील मृत झालेले व्यक्ती आणि जखमी झालेली व्यक्ती हे छत्तीसगड मधील रहिवासी आहे.
समृद्धी महामार्गावरील एकामागोमाग एक अपघातांचे सत्र पाहता हा महामार्ग प्रवाशांसाठी काळ ठरत असल्याचं समोर येतंय. अपघातामध्ये जखमी झालेल्यांवर संभाजीनगर रुग्णालयात उपचार सुरु आहेत. या प्रकरणी पोलिसांनी तक्रार दाखल केली असून फरार झालेल्या चालकाचा शोध सुरु आहे.
