Breaking News : भोर, (पुणे) : पुण्यातून वरांधा घाट मार्गे कोकणात जाणारी एक चारचाकी गाडी नीरा देवधर धरणात कोसळल्याची घटना घडली असून यामध्ये तिघेजण बुडाल्याची माहिती मिळत आहे. तर एकाला वाचवण्यात स्थानिकांना यश आले आहे. भोर महाड मार्गावरील वरंधा घाटात शिरगाव गावच्या हद्दीत शनिवारी (ता. २९) सकाळी हि घटना घडली आहे. (Breaking News)
चारचाकी गाडी नीरा देवधर धरणात कोसळल्याची घटना…
मिळालेल्या माहितीनुसार, अपघातग्रस्त हे पुण्यातील रावेत येथील आहेत. या घटनेत कारमधून चौघेजण प्रवास करत करीत होते. यामध्ये तीन पुरुष आणि एका महिलेचा समावेश आहे. त्यापैकी यातील तिघेजण बुडाले असल्याची शक्यता वर्तवण्यात येत असून एकजण बचावला आहे. (Breaking News)
शासनाचे आपत्ती व्यवस्थापन कक्षाचे कर्मचारी, भोरमधील सह्याद्री रेस्क्यू टीमचे सदस्य आणि भोईराज मंडळाचे सदस्य हे पोलिसांसमवेत घटनास्थळी रवाना झालेले आहेत. (Breaking News)
घटनेची माहिती मिळाल्यानंतर स्थानिक रेस्क्यू टीम घटनास्थळी दाखल झाली असून पुढील कारवाई करण्याचे काम सुरू आहे. प्रशासनाने बंदी घातली असतानाही ही कार गेली कशी? हा प्रश्न यानिमित्ताने समोर आला आहे. नेमकी घटना कशाने घडली हे आता लवकरच समोर येणार आहे.
