Breaking News : लातूर : देशभरात गाजत असलेल्या ‘नीट’ पेपरफुटी प्रकरणात केंद्रीय गुन्हे अन्वेषण विभागाने (CBI) मोठी कारवाई करत लातूरमधील प्रसिद्ध ‘आरसीसी’ शिकवणी वर्गाचे प्रमुख शिवराज मोटेगावकर यांना ताब्यात घेतल्याची माहिती समोर आली आहे. रविवारी दुपारपासून त्यांची चौकशी सुरू होती. सोमवारी सकाळी सीबीआयने त्यांना ताब्यात घेतल्याचे सांगितले जात आहे. मात्र, अधिकृत अटकेची घोषणा अद्याप करण्यात आलेली नाही. Breaking News
दोन दिवसांपूर्वी सीबीआयच्या पथकाने मोटेगावकर यांच्या शिकवणी वर्गाच्या कार्यालयावर छापा टाकून विविध कागदपत्रे जप्त केली होती. त्यानंतर चौकशीसाठी त्यांना बोलावण्यात आले होते. Breaking News
दरम्यान, ‘नीट’ परीक्षेतील प्रश्नपत्रिका फुटल्याचा संशय निर्माण झाल्यानंतर एका पालकाने आरसीसी क्लासमध्ये शिकवण्यात आलेल्या ४२ प्रश्नांचा परीक्षेत समावेश झाल्याची तक्रार केली होती. या तक्रारीनंतर प्रकरण अधिक गंभीर बनले आणि सीबीआयचे पथक थेट लातूरमध्ये दाखल झाले. Breaking News
या प्रकरणात आधीच अटकेत असलेले प्राध्यापक पी. व्ही. कुलकर्णी आणि शिवराज मोटेगावकर हे दोघेही रसायनशास्त्र विषय शिकवत असल्याने त्यांच्या संबंधांचीही चौकशी केली जात आहे. Breaking News
लातूर पॅटर्नची देशभरात मोठी ओळख असून वैद्यकीय प्रवेश परीक्षांसाठी येथील शिकवणी वर्ग प्रसिद्ध आहेत. मात्र, या कारवाईमुळे लातूरच्या कोचिंग संस्कृतीवर आणि तथाकथित ‘लातूर पॅटर्न’वर गंभीर प्रश्न उपस्थित झाले आहेत. Breaking News
