RBI:कोल्हापूर : रिझर्व्ह बँकेने आणखी पाच बँकांवर कारवाई केली आहे. यामध्ये उत्तर प्रदेशातील सीतापूर बँकेचा समावेश आहे. सीतारपूर अर्बन को-ऑपरेटीव्ह बँकेचा थेट परवानाच रद्द करण्यात आलाय. तर इतर महाराष्ट्रातील काही बँकांना दंड थोपटण्यात आले आहेत. लाखोंच्या घरात हा दंड ठोठावण्यात आला आहे. भारतीय रिझर्व्ह बँकेचं भारतातील सर्व बँकांच्या आर्थिक व्यवहारांकडे कडक लक्ष आहे. कोणत्याही बँकेत थोडा जरी गैरप्रकार आढळला तर त्या बँकेवर योग्य कारवाई करण्याचा निर्णय रिझर्व्ह बँकेकडून घेतला जात आहे. रिझर्व्ह बँकेने नुकतंच कोल्हापुरातील एका नामांकीत बँकेचा परवाना रद्द केल्याची बातमी समोर आली होती. बँकेकडे पुरेसं भांडवल आणि कमाईचं साधन नसल्याने आरबीआयने ही कारवाई केली होती. त्यानंतर
विशेष म्हणजे रिझर्व्ह बँकेने गेल्या महिन्यातही काही मोठ्या बँकांना दंड ठोठावला होता. यामध्ये बँक ऑफ बडोदाला 4.34 कोटी, इंडियन ओव्हरसीज बँकेला 1 कोटी रुपयांचा दंड ठोठावला होत. तसेच राज्यातील नामांकीत असलेल्या अभ्युदय बँकेचं संचालक मंडळच बरखास्त केलं होतं. त्यानंतर या महिन्यातही रिझर्व्ह बँकेकडून कारवाई करण्यात आली आहे.
कारवाईच कारण काय?
राजर्षी शाहू बँकेत मिनिमम बॅलन्सच्या नियमांचे पालन झालेले नाही, असा ठपका रिझर्व्ह बँकेकडून ठेवण्यात आला आहे. तर शिक्षक सहकारी बँकेत गोल्ड लोनबाबत अनेक तक्रारी आल्याचं रिझर्व्ह बँकेचं म्हणणं आहे. याशिवाय पाटण को-ऑपरेटीव्ह बँकेत केवायसी नियमांचे उल्लंघन झाल्याचा ठपका ठेवत रिझर्व्ह बँकेने कारवाई केली आहे. महाराष्ट्रातील या बँकांना प्रत्येकी एक लाख रुपयांचा दंड आकारण्यात आला आहे.
