पुणे : महाराष्ट्र विधानसभा निवडणुकीची मतमोजणी सुरु झाली आहे. सुरवातीला टपाल मतमोजणी सुरु असून सुरवातीच्या कलामध्ये महायुती आघाडीवर दिसत आहे. कसबा विधानसभा मतदारसंघातून मविआचे रवींद्र धंगेकर आघाडीवर आहेत. अडीच वर्षांमध्ये झालेल्या राजकीय उलथापालथी, सत्तासंघर्ष, पक्षफुटी यामुळे महाराष्ट्राचे राजकारण ढवळून निघाले आहे. या पार्श्वभूमीवर, २० नोव्हेंबर रोजी राज्यात विधानसभा निवडणुकीचे मतदान पार पडल्यानंतर आज २३ नोव्हेंबर २०२४ रोजी निकाल जाहीर होत आहेत.
मतमोजणीला सुरुवात झाली असून प्राथमिक कलामध्ये कसबा विधानसभा मतदारसंघातून मविआचे रवींद्र धंगेकर आघाडीवर आहेत. कसबा विधानसभा मतदारसंघात महाविकास आघाडीकडून रवींद्र धंगेकर मैदानात आहेत तर महायुतीकडून भाजपचे हेमंत रासने मैदानात उतरले आहेत. सद्या हेमंत रासने पिछाडीवर तर रवींद्र धंगेकर यांनी आघाडी घेतली आहे.
