पुणे : ऑक्टोबर 2026 या महिन्यात कायदा आणि सुव्यवस्था राखण्यासाठी राज्य उत्पादन शुल्क विभागाकडून ‘ड्राय डे’ नियमावली लागू करण्यात आली आहे. धार्मिक उत्सव आणि राष्ट्रीय सणांच्या पार्श्वभूमीवर या काळात मद्यविक्रीवर बंदी घालण्यात आली आहे.या नियमांचे पालन करणे सर्व अधिकृत मद्यविक्रेत्यांसाठी बंधनकारक असणार आहे.
ऑक्टोबर 2026 मधील ड्राय डे च्या तारखा:
2 ऑक्टोबर 2026 (शुक्रवार): महात्मा गांधी जयंती
7 ऑक्टोबर 2026 (बुधवार): महर्षी वाल्मिकी जयंती
20 ऑक्टोबर 2026 (मंगळवार): दसरा / विजयादशमी
या तीन दिवशी राज्यातील सर्व प्रकारची वाइन शॉप्स, बिअर शॉपी, देशी दारूची दुकाने, हॉटेल्स आणि बार मधील परमिट रूम्स संपूर्ण दिवसभरासाठी बंद राहतील. उत्पादन शुल्क विभागाची विशेष पथके महामार्गांवर आणि शहरात अवैध दारू पुरवठा तसेच काळाबाजार रोखण्यासाठी गस्त घालणार आहेत. नियमांचे उल्लंघन करणाऱ्या व्यावसायिकांवर दंड, फौजदारी कारवाई किंवा परवाना निलंबनाची कठोर कारवाई केली जाऊ शकते.
दरम्यान वैध परवाना असलेल्या व्यक्ती मर्यादित प्रमाणात साठा बाळगू शकतात, परंतु या दिवशी नवीन खरेदी करता येणार नाही. कायदा आणि सुव्यवस्थेची परिस्थिती पाहता जिल्हा दंडाधिकाऱ्यांना गरजेनुसार अतिरिक्त दिवसांसाठीही बंदी घालण्याचे अधिकार असतात. नागरिकांनी याची नोंद घेऊन प्रशासनाला सहकार्य करावे.
