तुषार सणस
भोर : कान्होजी जेधे विद्यालय कारी या ठिकाणी अक्षय ढेबे यांनी आपल्या वाढदिवसानिमित्त स्व. अक्षय कंक युवा मंच यांच्यामार्फत विद्यालयामध्ये शालेय पॅडचे वाटप केले. आपणही समाजाचे काही देणे लागतो, असा विचार ठेवत वेगवेगळे उपक्रम राबविणारे कारी गावचे सरपंच सतीश ढेबे यांच्या संकल्पनेतून हा उपक्रम राबवला असल्याचे त्यांनी सांगितले.
स्व.अक्षय कंक यांच्या विचारणा उजाळा देत असे अनेक कार्यक्रम स्व.अक्षय कंक युवा मंच घेत असतात. याबद्दल त्यांचे व सर्व सदस्यांचे सर्वत्र कौतुक केलं जातं आहे. पाचवी ते दहावीच्या १९० विद्यार्थ्यांना परीक्षेसाठी लागणारे पॅड वाटप करण्यात आले.
कारी गावचे सरपंच सतीश ढेबे, सुरज पेठकर, बाप्पु ढेबे, गणेश कांबळे, प्रशांत गाडे,सचिन जेधे,अशितोष घोलप, अमोल पारठे, सुशांत झुनगारे, महेंद्र ढेकळे, योगेश राऊत, विद्यालयाचे मुख्याध्यापक आटोळे व सर्व शिक्षक, ग्रामस्थ मोठ्या संख्येने उपस्थित होते. यावेळी रवळेकर यांनी विद्यार्थ्यांना शालेय साहित्य वाटप केल्याबद्दल आभार मानले तर सर्व विद्यार्थ्यांनी आनंद व्यक्त करत अक्षय ढेबे यांना वाढदिवसाच्या शुभेच्छा दिल्या.
