पुणे : शिक्रापूर पोलीस ठाण्याच्या हद्दीतील पुणे -अहमदनगर रस्त्यावर वाहतूक कोंडी टाळण्यासाठी शुक्रवारी (ता. २१ ऑक्टोंबर ४ नोव्हेंबर या कालावधीत अवजड वाहनांची वाहतुक बंद ठेवण्यात येणार आहे. अशी माहिती जिल्हाधिकारी राजेश देशमुख यांनी परिपत्रकाद्वारे दिली आहे. हा आदेश तात्काळ लागू करण्याच्या सूचना हि देण्यात आल्या आहेत.
पुणे- अहमदनगर महामार्गावर २० कि.मी तसेच शिकापुर चाकण मार्गावरील ०९ कि.मी. भागात मोठया प्रमाणात रोडलगत गोडावुन, हायस्कुल, कॉलेज, मंगल कार्यालय, हॉस्पीटल, तसेच एम.आय.डी.सी क्षेत्र असुन सदर भागात ठिकठिकाणी रोड क्रॉसिंग आहेत. त्यामुळे सदर भागात अवजड वाहनांमुळे नेहमीच वाहतुक कोंडी होत असल्याने अपघात होत असतात.
पुणे अहमदनगर रोड हा कोरेगांव भिमा, सणसवाडी, शिकापुर कोंढापुरी या गावांचे हददीतुन जात आहे.
चाकण व रांजणगांव एम.आय.डी.सी कडुन मोठया प्रमाणात अवजड वाहने सदर भागात रोडवर येत असतात. त्याचप्रमाणे स्कुल बसेस विदयार्थ्यांची मोठ्या प्रमाणावर वर्दळ होत असते. तसेच रांजणगांव व चाकण एम.आय.डी.सी येथे जाणारे मालक व कामगार वर्ग यांच्या बसेस व खाजगी वाहनांची नमुद वेळेत मोठया प्रमाणवर ये-जा होत असते.
पुणे-नगर रोडवर नेहमी वाहतुक कोंडी होवुन बाहेरगावी जाणाऱ्या व स्थानिक लोकांची गैरसोय होते तसेच अपघाताच्या वेळी कायदा व सुव्यवस्था प्रश्न निर्माण होत असतो. त्यामुळे उपाययोजना म्हणुन अवजड वाहनांची वाहतुक सकाळी ७ ते ११ व सायंकाळी ४ ते ८ यावेळेत पुणे-अहमदनगर व शिकापुर चाकण रोडवर बंद करण्यात यावी याबाबत जिल्हा पोलीस अधीक्षक डॉ. अभिनव देशमुख यांनी जिल्हाधिकारी राजेश देशमुख यांना प्रस्ताव सादर केला होता.
दरम्यान, सदर प्रस्तावाचे अवलोकन करून जिल्हाधिकारी डॉ. राजेश देशमुख यांनी शिक्रापूर पोलीस ठाण्याच्या हद्दीतील पुणे -अहमदनगर रस्त्यावर वाहतूक कोंडी टाळण्यासाठी शुक्रवारी (ता. २१ ऑक्टोंबर ४ नोव्हेंबर या कालावधीत अवजड वाहनांची वाहतुक बंद ठेवण्यात येणार असल्याचे माहिती परिपत्रकाद्वारे दिली आहे.
