पुणे : पुणे शहर वाहतूक शाखेने गणेशोत्सवादरम्यान होणारी गर्दी विचारात घेऊन मध्यवर्ती भागातील प्रमुख रस्त्यांवर जड आणि अवजड वाहनांना प्रवेशबंदी लागू केली आहे. 12 सप्टेंबरपासून पुढील 24 तास हे नियम लागू राहतील. उत्सवाच्या काळात नागरिकांची सुरक्षितता जपणे आणि शहरातील वाहतूक सुरळीत ठेवणे हा या निर्णयाचा मुख्य उद्देश आहे.
वाहतूकबंदी असणारे प्रमुख मार्ग पुढीलप्रमाणे –
केळकर रोड: फुटका बुरुज ते अलका चौकाकडे
बाजीराव रोड: पुरम चौक ते गाडगीlपुतळ्याकडे
टिळक रोड: जेधे चौक ते अलका चौकाकडे
शास्त्री रोड: सेनादत्त चौकी चौक ते अलका चौक
लक्ष्मी रोड: संत कबीर चौक ते अलका चौकाकडे
कुमठेकर रोड: शनीपार ते अलका चौकाकडे
कर्वे रोड: नाल स्टॉप चौक ते खंडोजीबाबा चौकाकडे
शिवाजी रोड: गाडगगीळ पुतळा ते जेधे चौकाकडे
जंगली महाराज (जेएम) रोड: स. गो. बर्वे चौक ते खंडोजीबाबा चौकाकडे
फर्ग्युसन कॉलेज (एफसी) रोड: खंडोजीबाबा चौक ते वीर चाफेकर चौकाकडे
सिंहगड रस्ता: राजाराम पूल ते सावरकर चौकाकडे
गणेश रोड / मुदलियार रोड: पॉवरहाऊस – जिजामाता चौक – फुटका बुरुज चौक
गणेशोत्सवाच्या दिवसांत शहरातील प्रमुख गणपती मंडळे आणि देखावे पाहण्यासाठी भाविक मोठ्या संख्येने बाहेर पडतात. त्यामुळे मध्यवर्ती भागात रस्त्यांवर प्रचंड गर्दी होते. या काळात ट्रक, डंपर किंवा इतर मोठ्या वाहनांमुळे अपघात किंवा वाहतूक कोंडी होऊ नये, यासाठी वाहतूक पोलिसांनी हे महत्त्वाचे पाऊल उचलले आहे. परिस्थितीनुसार गर्दीच्या ठिकाणी ऐनवेळी मार्गांमध्ये बद केले जातील.
वाहतूक शाखेचे उपायुक्त डॉ. संदीप भाजीभाकरे यांनी सर्व जड वाहनचालकांना मध्यवर्ती भागातील रस्ते टाळून बाह्य पर्यायी मार्गांचा वापर करण्याचे आवाहन केले आहे. तसेच, नागरिकांनी व वाहनचालकांनी रस्त्यावरील वाहतूक पोलिसांना सहकार्य करावे, अशा सूचना देण्यात आल्या आहेत
