Amravati Crime: अमरावती: अमरावती जिल्ह्यातून एक संतापजनक घटना समोर आली आहे. एका 6 वर्षाच्या मुलीवर लैंगिक अत्याचार झाल्याची घटना घडली आहे. ही घटना शिरजगाव बंड गावात घडली आहे. या प्रकरणी पोलिसांनी 56 वर्षीय आरोपीला अटक करण्यात आले. या घटनेनंतर गावात एकच खळबळ उडाली आहे.
हेही वाचा- भयकंर! ‘तू व्हर्जिन वाटत नाही’ माझ्यासोबत…, प्रोफेसरचे विद्यार्थींनीला मेसेज, 3 जण निलंबित
मिळालेल्या माहितीनुसार, अमरावती येथील चांदूर बाजार तालुक्यातील शिरजगाव बंड येथील शाळेत हा प्रकार घडला आहे. मुलगी उर्दू जिल्हा परिषद शाळेत शिकते. काल दुपारी 2 च्या आसपास आरोपीने चिमुकलीला बोलावून घेतले. तिला एका निर्जन स्थळी घेऊन जाऊन तिच्यावर अत्याचार केला. ही घटना शाळेच्या परिसरात लावलेल्या सीसीटीव्ही कॅमेऱ्यात कैद झाली.
संध्याकाळी घरी गेल्यानंतर पीडितेने आपल्या कुटुंबियांना घटनेची माहिती दिली. या घटनेनंतर आई वडिलांना मोठा हादरा बसला आहे. पीडितेच्या आई वडिलांना पोलिसांत धाव घेतली. पोलीस अधिकारी अशोक जाधव यांच्या मार्गदर्शनाखाली या प्रकरणाची तपासणी सुरु आहे.
पोलिसांनी परिसरातील सीसीटीव्ही फुटेज तपासले असून आरोपीचा शोध घेण्यास सुरु केला. सदर आरोपीवर पोस्को अंतर्गत गुन्हा दाखल करण्यात आला. या घटनेनंतर परिसरात संतापाची लाट उसळली आहे. गावकऱ्यांनी आरोपीविरोधात मोठा संताप व्यक्त केला आहे. तांत्रिक तपास करत आरोपीचा शोध घेतला आणि त्याला तात्काळ अटक करण्यात आली.
दरम्यान अनेक पालकांनी शाळेच्या व्यवस्थेवर प्रश्न चिन्ह उपस्थित केला आहे. पोलीस याप्रकरणी पुढील तपासणी करत आहे. भविष्यात अश्या घटना घडू नये यासाठी शाळेतील व्यवस्थापन सज्ज झाले आहे.
