पुणे : जुलै महिन्याच्या तिसऱ्या आठवड्यात बँकेशी संबंधित काही महत्त्वाची कामे पूर्ण करायची असतील, तर ग्राहंकासाठी महत्वाची माहिती समोर आली आहे.भारतीय रिझर्व्ह बँकेच्या (RBI) सुट्ट्यांच्या वेळापत्रकानुसार, येत्या 20 जुलै ते 26 जुलै 2026 दरम्यान वेगवेगळ्या राज्यांमध्ये बँका अनेक दिवस बंद राहणार आहेत. मात्र, देशातील सर्व राज्यांमध्ये एकाच वेळी सुट्टी नसेल, कारण अनेक सुट्ट्या स्थानिक सणांवर आधारित आहेत.
आठवड्यातील सुट्ट्याची माहिती जाणून घेऊया
20जुलै (सोमवार): आठवड्याच्या पहिल्या दिवशी देशभरातील बहुतांश राज्यांमध्ये बँका नेहमीप्रमाणे सुरू राहतील. या दिवशी कोणतीही सार्वजनिक सुट्टी नाही.
21 जुलै (मंगळवार): काही राज्यांमध्ये स्थानिक सणांमुळे बँका बंद असू शकतात, परंतु इतर सर्व ठिकाणी कामकाज नियमित चालेल.
22 जुलै (बुधवार): त्रिपुराची राजधानी आगरतळा येथे ‘खर्ची पूजा’ या पारंपारिक सणानिमित्त बँका बंद राहतील. उर्वरित देशात बँका सुरू असतील.
23 जुलै (गुरुवार): या दिवशी संपूर्ण देशात बँकांचे कामकाज नेहमीप्रमाणे सुरू राहील.
24 जुलै (शुक्रवार): काही विशिष्ट राज्यांमधील स्थानिक उत्सवांमुळे तेथील बँकांना सुट्टी असू शकते.
25 जुलै (शनिवार): हा महिन्याचा चौथा शनिवार असल्याने आरबीआयच्या नियमांनुसार देशभरातील सर्व बँका पूर्णपणे बंद राहतील.
26 जुलै (रविवार): साप्ताहिक सुट्टी (रविवार) असल्याने या दिवशी देशातील सर्वच बँक शाखांना सुट्टी असेल.
आरबीआय प्रत्येक वर्षाच्या सुरुवातीला सुट्ट्यांची यादी जाहीर करते. यामध्ये राष्ट्रीय सणांसोबतच प्रत्येक राज्याचे धार्मिक आणि प्रादेशिक सण समाविष्ट असतात. म्हणूनच एखाद्या राज्यात सुट्टी असताना दुसऱ्या राज्यात बँका सुरू असू शकतात.
जरी बँक शाखा प्रत्यक्षपणे बंद असल्या, तरी ग्राहकांना काळजी करण्याची गरज नाही. इंटरनेट बँकिंग, मोबाईल बँकिंग, यूपीआय (UPI) आणि एटीएम (ATM) सेवा २४ तास अखंडित सुरू राहतील. याद्वारे तुम्ही पैशांची देवाणघेवाण किंवा बिल पेमेंट सहज करू शकता. मात्र, चेक जमा करणे, डिमांड ड्राफ्ट काढणे किंवा मोठ्या रकमेची रोख देवाणघेवाण करण्यासाठी बँकेत जाण्यापूर्वी तुमच्या शहरातील सुट्ट्यांची यादी नक्की तपासून घ्या.
