पुणे : पुण्यात कायदा व सुव्यवस्था राखण्यासाठी आणि गुन्हेगारीला आळा घालण्यासाठी पोलीस आयुक्तांनी मोठी प्रशासकीय कारवाई केली आहे. शहरातील खडक पोलीस ठाण्याच्या हद्दीत नुकत्याच झालेल्या गोळीबार प्रकरणानंतर प्रशासनाने कडक पावले उचलली आहेत. या घटनेनंतर पोलीस दलातील उत्तरदायित्व वाढवण्यासाठी आणि पुनर्रचना करण्यासाठी पोलीस आयुक्त अमितेश कुमार यांनी एकाच वेळी 39 पोलीस कर्मचाऱ्यांच्या बदल्यांचे आदेश जारी केले आहेत. या निर्णयामुळे पुणे पोलीस दलात खळबळ उडाली आहे.
या कारवाईची सुरुवात खडक पोलीस ठाण्याचे वरिष्ठ पोलीस निरीक्षक तसेच गुन्हे शाखा युनिट-१ च्या प्रमुखांची नियंत्रण कक्षात बदली करून झाली होती. त्यानंतर आता मोठ्या प्रमाणावर पोलीस कर्मचाऱ्यांचे फेरबदल करण्यात आले आहेत.
पोलीस मुख्यालयात बदली: खडक पोलीस ठाण्यातून हर्षल चंद्रकांत दुधाम, किरण महादेव डाबरे, कृष्णा सुदाम गायकवाड, विकास विरशा पांडाळे, दिनेश सुरेश गायकवाड, शुभम बबन केदारी, अक्षयकुमार रवींद्र चावले, विश्वजित सुमन दत्त गोरे, भाग्यश्री सोनवणे, पांडुरंग हरिभाऊ गोंगाणे आणि सोमनाथ महेंद्रनाथ नदाफ यांची बदली पोलीस मुख्यालयात करण्यात आली आहे. याशिवाय अनिकेत अनिल बाबर, सहारा लक्ष्मण डांगे आणि राहुल संजय मोरे यांनाही मुख्यालयात पाठवण्यात आले आहे.
खडक पोलीस ठाण्यात नियुक्ती: गुन्हे शाखेतून राहुल देवराम मस्कर, विनोद नारायण शिंदे, माधुरी संपत जाधव, नीलेश गौतम सावळे, अमित प्रकाश जमदाडे, मधुर मधुकर मोसळे, ज्योती रमेश मुटकुळे, सिद्धेश्वर शांताराम वाघमारे, उमेश मुरसिंग मस्कती, हेमंत विष्णू पाटील आणि इतर कर्मचाऱ्यांना खडक पोलीस ठाण्यात तैनात करण्यात आले आहे.
इतर पोलीस ठाण्यांतील बदल्या:
स्वारगेट पोलीस ठाणे: प्रवीण वसंत धमाळ, रणजित बाळकृष्ण फडतरे आणि सयाजी बबन चव्हाण.
पर्वती पोलीस ठाणे: दुर्योधन नंदकिशोर गारवे, सचिन रमेश माळवे, रहीम मुसा शेख आणि नितीन सुरेश बोराटे.
सहकारनगर पोलीस ठाणे: मयूर राजेंद्र भोकर, गीतांजली हेमंत जांभूळकर आणि दयानंद नामदेव तेलंगे-पाटील.
गुन्हे शाखा युनिट-१: खंडणी विरोधी पथक-१ मधील किरण सुभाष मोरे, बाबासाहेब पांडुरंग डांगडे आणि अतुल अर्जुन साळवे यांची गुन्हे शाखा युनिट-१ मध्ये बदली करण्यात आली आहे.
पोलीस प्रशासनाने घेतलेल्या या आक्रमक भूमिकेमुळे शहरात गुन्हेगारांवर आणि निष्काळजीपणा करणाऱ्या अधिकाऱ्यांवर वचक निर्माण होईल असा विश्वास व्यक्त केला जात आहे.
