सातारा : येथील कराड चिपळूण राज्य महामार्गावर (Karad Chiplun highway) पाटण तालुक्यामध्ये गॅस टँकरला भीषण अपघात (Accident) झाला आहे. यावेळी मोठ्या प्रमाणावर गॅस गळती झाली आहे. परिसरातील लोकांना मोठ्या प्रमाणात त्रास होताना दिसत आहे. सध्या अग्निशमन दलाची गाडी घटनास्थळी दाखल झाली आहे. यावेळी गॅस गळतीवर नियंत्रण आणण्याचा प्रयत्न सुरु आहे.
काही दिवसांपासून कराड-चिपळूण राज्य महामार्गावर अपघाताच्या घटना वारंवार घडत आहेत. आता साताऱ्यातील कराड चिपळूण राज्य महामार्गावर पाटण तालुक्यात गॅस टँकरला भीषण अपघात झाला आहे. सध्या अग्निशमन दलाची गाडी घटनास्थळी दाखल झाली आहे. या अग्निशमन दलाच्या जवानांकडून गॅस गळतीवर नियंत्रण आणण्याचा प्रयत्न सुरु आहे.
या घटनेनंतर आजुबाजूच्या परिसरात गॅस गळतीचा त्रास होऊ लागला आहे. या गळतीवर नियंत्रण आणण्याचा प्रयत्न सुरू आहे. मात्र यात नेमका कोणता गॅस आहे, याची माहिती अद्याप समोर आलेली नाही. या अपघातामुळे परिसरात एकच गोंधळ उडाला आहे.
