बाराबंकी : उत्तर प्रदेशातील (Accident News) बाराबंकी येथील पूर्वांचल एक्सप्रेस वेवर (UP News) बुधवारी संध्याकाळी एक भीषण अपघात झाला. या अपघातात (Crime News) पाच जणांचा जागीच मृत्यू झाला असून मृतांमध्ये पोलीस कॉन्स्टेबल जावेद अशरफ यांच्या संपूर्ण कुटुंबाचा समावेश आहे. मिळालेल्या माहितीनुसार जावेद यांचे कुटुंब मऊहून लखनऊकडे जात होते. त्यावेळी दिल्ली नोंदणी क्रमांकाची ब्रेझा कार भरधाव वेगाने येऊन त्यांच्या वॅगन आर कारला मागून धडकली. धडकेनंतर वॅगन आर कारच्या CNG टँकचा स्फोट झाला आणि काही क्षणांत कारला भीषण आग लागली. (Breaking News)
पाच जणांचा होरपळून मृत्यू
या अपघातात दोन महिला आणि तीन मुलांचा जिवंत जळून मृत्यू झाला. दुर्घटनेनंतर कारचा दरवाजा उघडणे शक्य झाले नाही, त्यामुळे आत अडकलेल्यांना बाहेर काढता आले नाही. पोलिस आणि स्थानिकांनी प्रयत्न करून पाचही जणांना बाहेर काढले, परंतु तोपर्यंत त्यांचा मृत्यू झाला होता. या घटनेत मृत्यू झालेले जावेद अशरफ यांची पत्नी गुलिश्ता (49), मुलगी समरीन (22), इल्मा खान (12), इश्मा खान (6) आणि जियान (10) अशी नावे जाहीर करण्यात आली आहेत. या अपघातात गफ्फर यांचा मुलगा झीशान हा जखमी असून त्याच्यावर उपचार सुरू आहेत. (Marathi News)
तपास सुरु
बाराबंकीचे जिल्हा दंडाधिकारी शशांक त्रिपाठी यांनी या भीषण अपघातात पाच जणांचा मृत्यू झाल्याची पुष्टी केली असून जखमींना तातडीने ट्रॉमा सेंटरमध्ये हलवण्यात आले आहे. अपघातानंतर पोलिसांनी दोन्ही कार ताब्यात घेऊन तपास सुरू केला आहे. ही धडक केवळ जास्त वेगामुळे झाली की ब्रेझा चालकाला डुलकी लागली होती, याचा शोध घेतला जात आहे. अपघात इतका भयानक होता की पाहणाऱ्यांच्या डोळ्यांसमोर क्षणात कार जळताना दिसली आणि स्थानिकांनी मदत करण्याचा प्रयत्न केला तरी आग इतकी भीषण होती की कोणीही काहीच करू शकले नाही.
