Accident News : मुंबई : मुंबई-पुणे द्रुतगती मार्गावरील नव्याने सुरू झालेल्या ‘मिसिंग लिंक’ परिसरात शुक्रवारी भीषण अपघात झाला. भरधाव बसने तीन खाजगी वाहनांना जोरदार धडक दिल्याने हा भीषण अपघात घडला. या दुर्घटनेत तिघांचा जागीच मृत्यू झाला असून चार जण गंभीर जखमी झाले आहेत. जखमींपैकी दोघांची प्रकृती चिंताजनक असल्याची माहिती समोर आली आहे. Accident News
अपघात इतका भीषण होता की काही प्रवासी वाहनात अडकून पडले होते. हेल्प फाउंडेशनच्या बचाव पथकाने गॅस कटरच्या सहाय्याने वाहनांचे दरवाजे कापून नागरिकांना बाहेर काढण्यासाठी शर्थीचे प्रयत्न केले. घटनेनंतर परिसरात एकच गोंधळ उडाला होता. Accident News
या दुर्घटनेमुळे मुंबई-पुणे एक्स्प्रेसवेवर मोठी वाहतूक कोंडी निर्माण झाली. पोलिसांनी अपघातग्रस्त वाहने हटवून वाहतूक दुसऱ्या लेनवरून वळवली. मृतांची ओळख पटविण्याचे काम सुरू असून अपघाताचे नेमके कारण शोधण्यासाठी पोलिसांकडून तपास सुरू आहे. Accident News
दरम्यान, नव्याने सुरू झालेला ‘मिसिंग लिंक’ प्रकल्प पुन्हा एकदा चर्चेत आला असून या भीषण अपघातामुळे वाहनचालकांमध्ये भीतीचे वातावरण निर्माण झाले आहे. Accident News
