बेल्लारी : कर्नाटकातील बेल्लारी (Bellary) शहरात एका ज्वेलरी शोरूममध्ये मोठा भीषण अपघात झाला आहे. या अपघातात (Accident) तीन जण जखमी झाले असून त्यात एकाची प्रकृती चिंताजनक असल्याचे सांगण्यात येत आहे.
मिळालेल्या माहितीनुसार, बेल्लारी (Bellary) येथील तेरू स्ट्रीट येथील कल्याण ज्वेलर्समध्ये (Kalyan Jewelers) हा अपघात झाला. येथे AC चा (एयर कंडिशनरचा) अचानक स्फोट झाला. स्फोट इतका मोठा होता की शोरूमच्या खिडक्यांच्या काचा फुटल्या. स्फोट झाल्यानंतर तत्काळ दागिन्यांच्या दुकानात धुराचे लोट पसरल्याचे सांगण्यात येत आहे. माहिती मिळताच अग्निशमन दलाचे जवान घटनास्थळी पोहोचले. सध्या या प्रकरणाचा तपास सुरु आहे.
या घडलेल्या घटनेनंतर लगेचच जखमींना उपचारासाठी जवळच्या रुग्णालयात दाखल करण्यात आले. जखमींवर अजूनही उपचार सुरू आहेत
