नांदेड : येथे सिमेंट घेऊन जाणाऱ्या ट्रकची आठ दुचाकींना धडक बसून भीषण अपघात (Accident) झाला. या अपघातामध्ये एका व्यक्तीचा मृत्यू झाला आहे आणि पाच जण गंभीर जखमी झाले आहेत. त्यांच्यावर जवळच्या रुग्णालयात उपचार सुरु आहेत.
या ट्रकने आठ ते दहा बाईक्सना जोरदार धडक दिल्याची माहिती समोर आली आहे. मात्र हा अपघात नेमका कशामुळे घडला, त्याचे कारण अद्याप समजू शकलेले नाही. सिमेंट घेऊन जाणाऱ्या या ट्रकची आठ मोटरसायकल यांना धडक बसली आहे. भोकर नांदेड महामार्गावर आज सकाळी आठ वाजताच्या सुमारास हा अपघात घडला आहे.
या अपघातामध्ये एका व्यक्तीचा घटनास्थळी मृत्यू झाला तर इतर पाच जण जागीच जखमी झाली. त्यांच्यावर प्राथमिक उपचार करून गंभीर जखमींना नांदेड येथे हलवण्यात आले आहे. या अपघातानंतर घटनास्थळी मोठी गर्दी झाली होती. या घटनास्थळी पोलिसांकडून वाहतूक सुरळीत करण्याचा प्रयत्न करण्यात आला.
