लोणी काळभोर (पुणे) : कदमवाकवस्ती (ता. हवेली) येथील नवपरिवर्तन फाउंडेशनचे अध्यक्ष चित्तरंजन गायकवाड यांच्या वाढदिवसानिमित्ताने रविवारी (ता. ३०) भव्य ‘होम मिनिस्टर’ हा कार्यक्रम आयोजित करण्यात आला होता.
या कार्यक्रमाला लोणी काळभोर व कदमवाकवस्ती येथील सुमारे सहा हजार महिलांनी हजेरी लावली होती. अतिशय आनंदात आणि जल्लोषपूर्ण वातावरणात कार्यक्रम संपन्न झाला. यामध्ये सहभागी झालेल्या महिलांना फाउंडेशनच्या वतीने आकर्षक भेटवस्तू देण्यात आल्या. तसेच या कार्यक्रमामध्ये प्रमुख आकर्षण म्हणून तुझ्यात जीव रंगला फेम सिनेअभिनेत्री अक्षया देवधर या देखील उपस्थित होत्या.
या भव्य होमिनिस्टर कार्यक्रमात सहा महिलांना पारितोषिक देऊन सन्मानित करण्यात आले. यामध्ये सहभागी झालेल्या महिलांना २५१ पैठणी, १० इस्त्री, १० मिक्सर, १० चांदीचे दिवे, १० डिनर सेट, १० हेअरड्रायर अशी बक्षिसे देण्यात आली. प्रथम सहा विजेत्यांना टू व्हिलर स्कुटी, फ्रीज, LED टि.व्ही, वॉशिंग मशिन, पिठाची गिरणी, वॉटर फिल्टर, आदी बक्षिसे देण्यात आली.
या कार्यक्रमाचे आयोजन कदमवाकवस्तीच्या सरपंच गौरी गायकवाड व नवपरिवर्तन फाउंडेशनच्या वतीने करण्यात आले होते. यावेळी सदर कार्यक्रमात उपस्थित महिलांना जल जीवन मिशन अंतर्गत मंजूर झालेल्या पाण्याच्याबाबत व्हिडीओद्वारे माहिती देण्यात आली. कार्यक्रमाचे सूत्रसंचालन सिने अभिनेते क्रांतीनाना मळेगावकर यांनी केले तर विजेत्यांचे अभिनंदन व उपस्थित राहिलेल्या नागरिकांचे आभार नवपरिवर्तन फाउंडेशनचे अध्यक्ष चित्तरंजन गायकवाड व कदमवाकवस्तीच्या सरपंच गौरी गायकवाड यांनी मानले.
प्रथम सहा विजेत्याची नावे पुढीलप्रमाणे :
प्रथम क्रमांक शीतल रामचंद्र वळेकर (टू-व्हिलर स्कुटी)
व्दितीय क्रमांक – सीमा हनुमंत खैरे (फ्रीज)
तृतीय क्रमांक – सना सद्दाम शेख (एलइडी टिव्ही)
चतुर्थ क्रमांक – गीता विजय आव्हाड (वॉशिंग मशिन)
पाचवा क्रमांक – वर्षा विठ्ठल आंधळे (पिठाची गिरणी)
सहावा क्रमांक – रुख्मिणी गुणवंत अवचर (वॉटर फिल्टर)
