युनूस तांबोळी
शिरूर : शिरूर तालुक्यातील रावडेवाडी येथील पराग ॲग्रो फुडस ॲप अलाईड प्रॅाडक्टस प्रा. लि. च्या सहाव्या गाळप हंगाम २०२२- २०२३ च्या बॅायलर अग्नीपूजन व गव्हाण पूजन समारंभ आंबेगाव शिरूर विधानसभा मतदार संघातील राष्ट्रवादी कॅाग्रेस पक्षाचे अध्यक्ष मानसिंग पाचुंदकर यांच्या हस्ते करण्यात आले.
या कार्यक्रमाच्या अध्यक्षस्थानी माजी आमदार पोपटराव गावडे हे होते. यावेळी भिमाशंकर कारखान्याचे संचालक प्रदिप वळसे पाटील, आंबेगाव कृषी उत्पन्न बाजार समितीचे सभापती देवदत्त निकम, चेअरमन यशवर्धन हडाके, माजी आमदार सुर्यकांत पलांडे, माजी सभापती प्रकाश पवार, दामुशेठ घोडे, योगेश थोरात, दिपक रत्नपारखी, बाबाजी निचीत आदी ग्रामस्थ उपस्थित होते.
या साखर कारखान्याच्या सहाव्या गळीत हंगामासाठी संपुर्ण यंत्रणा सज्ज झाली असून जास्तीत जास्त उसाचे गाळप या गळीत हंगामात केले जाणार आहे. विजया दशमीच्या सर्व अधिकारी व कामगारांना शुभेच्छा देऊन गाळप हंगाम यशस्वी करण्याचे आवाहन चेअरमन यशवर्धन डहाके यांनी केले.
दरम्यान, सहाव्या गळीत हंगामासाठी मुख्य कार्यकारी अधिकारी राजेंद्र जंगले, डेपुटी जनरल मॅनेजर ज्ञानेश्वर वाबळे, सखाराम जाधव, मुख्य शेतकी अधिकारी अंकूश आढाव, चिप इंजीनिअर अशोक चोरगे, संतोष मगर, नितीन भागत यांनी विशेष नियोजन केले आहे.
