उरुळी कांचन : सोरतापवाडी (ता. हवेली) ग्रामपंचायतीला जल जीवन मिशन कार्यक्रमांतर्गत ६३ कोटी ३६ लाख रुपयांच्या निधीची शासकीय मंजुरी मिळाली आहे.
पुणे येथील महाराष्ट्र जीवन प्राधिकरणच्या कार्यालयात कार्यकारी अभियंता वैशाली अवटी यांच्या हस्ते सरपंच संध्याताई अमित चौधरी यांना आज शुक्रवारी (ता.२) मंजुरीचे पत्र देण्यात आले आहे. यावेळी ग्रामपंचायत सदस्य सनी चौधरी, अमित चौधरी, प्राधिकरणाचे अभियंता पवार आदी मान्यवर उपस्थित होत्या.
सोरतापवाडी येथील नळ पाणी पुरवठा योजनेचा दरडोई खर्च हा विहीत निकषापेक्षा जास्त आहे. तसेच योजनेची किंमत रू ५ कोटीपेक्षा जास्त आहे. त्यामुळे सदर नळ पाणी पुरवठा योजनेस मंजूरी देण्यासाठीचा प्रस्ताव मुख्य अभियंता, महाराष्ट्र जीवन प्राधिकरण, प्रादेशिक विभाग पुणे यांनी संदर्भ क्रमांक ०९ अन्वये शासनाच्या मान्यतेकरीता सादर केला होता.
प्रस्तुत नळ पाणी पुरवठा योजनेच्या प्रस्तावास मुख्य अभियंता, महाराष्ट्र जीवन प्राधिकरण, प्रादेशिक विभाग, पुणे तसेच सदस्य सचिव, महाराष्ट्र जीवन प्राधिकरण यांच्या अध्यक्षतेखाली तांत्रिक छाननी समितीच्या दिनांक २४ मे २०२२ रोजीच्या बैठकीत मंजुरी देण्यात आलेली आहे. नळ पाणी पुरवठा योजनेच्या माध्यमातून ६३ कोटी ३६ लक्ष (त्रेसष्ठ कोटी छत्तीसलाख फक्त) (ढोबळ) इतक्या किंमतीच्या अंदाजपत्रकास जल जीवन मिशन कार्यक्रमांतर्गत प्रशासकीय मान्यता देण्याची बाब शासनाच्या विचाराधीन होती.
त्यानुसार सोरतापवाडी येथील ५५ लिटर दरडोई दरदिवशी क्षमतेच्या रुपये ३७०७ इतका दरडोई खर्च असलेल्या नळ पाणी शासन निर्णय पुरवठा योजनेच्या ढोबळ किंमतीच्या अंदाजपत्रकास व आराखड्यास जल जीवन मिशन कार्यक्रमांतर्गत अटी व शर्तीची पूर्तता करण्याच्या अधीन राहून प्रशासकीय मान्यता देण्यात आली आहे. योजना प्रत्यक्षात पूर्ण झाल्यावर संबंधित कार्यकारी अभियंता, महाराष्ट्र जीवन प्राधिकरण/जिल्हा परिषद व संबंधित ग्रामपंचायतीचे अधिकारी यांनी योजनेची संयुक्तपणे पाहणी आयोजित करावी आणि अशा पाहणीत कोणतेही दोष आढळून आल्यास योजना ताब्यात देण्यापूर्वी ते सुधारण्यात यावेत. २ रा योजनेची अंमलबजावणी पूर्ण झाल्यानंतर किमान १ वर्षे योजना चालविणे कंत्राटदारावर राहील. असे परिपत्रकात म्हटले आहे.
पुरवठा योजनेच्या अंमलबजावणी पूर्ण झाल्यानंतर ती संबंधित कार्यकारी अभियंता यांच्याकडून योजना प्रत्यक्षात पूर्ण झाली या आशयाची सुचना मिळाल्यानंतरच्या एक महिन्याच्या आत योजना ताब्यात घेण्यास संबंधित ग्रामपंचायत जबाबदार राहील. प्रस्तुत नळ पाणी पुरवठा योजनेच्या प्रस्तावास मुख्य अभियंता, महाराष्ट्र जीवन प्राधिकरण, प्रादेशिक विभाग, पुणे तसेच सदस्य सचिव, महाराष्ट्र जीवन प्राधिकरण यांच्या अध्यक्षतेखाली तांत्रिक छाननी समितीच्या दिनांक २४ मे २०२२ रोजीच्या बैठकीत मंजुरी देण्यात आलेली आहे.
दरम्यान, सोरतापवाडी (ता.हवेली) ग्रामीण नळ पाणी पुरवठा योजनेच्या माध्यमातून ६३ कोटी ३६ लक्ष(त्रेसष्ठ कोटी छत्तीसलाख फक्त) (ढोबळ) इतक्या किंमतीच्या अंदाजपत्रकास जल जीवन मिशन कार्यक्रमांतर्गत प्रशासकीय मान्यता देण्याची बाब शासनाच्या विचाराधीन होती.
