राहुलकुमार अवचट
यवत– जिल्ह्यातील व महाराष्ट्रातील अनेक भाविकांचे श्रध्दास्थान असलेल्या यवत येथील श्री महालक्ष्मी मातेचा नवरात्र उत्सव हा नेहमीच मोठ्या उत्साहात साजरा केला जातो असुन यंदा कोणतेही निर्बंध नसल्याने यावर्षी मोठ्या उत्साहात पार पडला यावर्षी नऊ दिवस विविध रुपातील आकर्षक पुजेची मांडणी करण्यात आली होती
घटस्थापना ते दसरा या कालावधीत सांस्कृतिक व धार्मिक कार्यक्रमाचे आयोजन करण्यात आले होते, गावातील श्री तुकाई माता मंदिर व श्री काळभैरवनाथ मंदिर येथे देखील पारंपरिक पद्धतीने उत्सव साजरा करण्यात आला महालक्ष्मी मंदिरास केलेली विद्युत रोषणाई विशेष आकर्षक ठरली
दरम्यान, श्री महालक्ष्मी माता नवरात्र उत्सव मंडळाच्या वतीने भजन , गोंधळ यासह विविध स्पर्धांचे आयोजन करण्यात आले होते. दसरानिमित्त होत असलेल्या पालखीचे आगमनानंतर रावण दहन करण्यात आले व नवरात्र उत्सवाची सांगता झाली यावेळी मोठ्या प्रमाणात ग्रामस्थ उपस्थित होते
