पुणे : सरकारी नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, महाराष्ट्र शासन उद्योग संचालनालय येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
महाराष्ट्र शासन उद्योग संचालनालय, मुंबई येथे शासकीय/निमशासकीय सेवानिवृत्त अधिकारी या पदासाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला मुंबई येथे जाऊन नोकरी करावी लागणार आहे. या प्रक्रियेंतर्गत काही रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. यामध्ये अर्ज करण्याची शेवटची तारीख 23 जानेवारी 2025 ही असणार आहे.
या भरती प्रक्रियेंतर्गत ऑनलाईन आणि ऑफलाईन या दोन्ही पद्धतीने अर्ज करता येणार आहे. त्यासाठी कृपानिधी बिल्डिंग, १ ला मजला, महाराष्ट्र लघु उद्योग विकास महामंडळ कार्यालय संकुल, बेलार्ड इस्टेट, मुंबई-४०० ००१ येथे अर्ज पाठवावा लागणार आहे. तर ऑनलाईन अर्ज [email protected] या मेल आयडीवर पाठवावे लागणार आहेत.
या भरती प्रक्रियेबाबत अधिक माहितीसाठी https://maitri.mahaonline.gov.in/ अधिकृत वेबसाईटवरून माहिती घेता येणार आहे.
