पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, एअर फोर्स स्कूल, पुणे येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहेत.
एअर फोर्स स्कूल, पुणे येथे अर्धवेळ प्रशिक्षक या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला पुणे येथे जाऊन नोकरी करावी लागणार आहे. या प्रक्रियेंतर्गत काही रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार असून, 19 जून 2024 रोजी ही मुलाखत होणार आहे. अर्धवेळ प्रशिक्षक या पदासाठी ही भरती प्रक्रिया राबवली जात आहे.
यामध्ये संबंधित क्षेत्रातील संबंधित प्रमाणित अभ्यासक्रम आणि पदवी असणे गरजेचे आहे. मुलाखतीच्या माध्यमातून उमेदवाराची निवड केली जाणार असून, वायुसेना शाळा विमान नगर, पुणे येथे ही मुलाखत घेतली जाणार आहे. यात वयोमर्यादाही निश्चित करण्यात आली आहे. 21 ते 50 वर्षे वयोगटातील व्यक्ती अर्ज करू शकणार आहे. या भरती प्रक्रियेबाबत अधिक माहितीसाठी http://www.airforceschoolpune.ac.in/ अधिकृत वेबसाईटवरून माहिती घेता येणार आहे.
