पुणे : पोलिस होण्याचं स्वप्न अनेकजण उराशी बाळगून असतात. त्यासाठी प्रयत्नही केले जातात. तुम्ही देखील नोकरीच्या शोधात आहात? तर तुमच्यासाठी ही आनंदाची बातमी असणार आहे. कारण, ठाणे ग्रामीण पोलीस विभागात रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑनलाईन पद्धतीने अर्ज करता येणार आहे.
ठाणे ग्रामीण पोलीस विभागात पोलिस शिपाई, पोलिस शिपाई चालक या पदांसाठी भरती प्रक्रिया सुरु होत आहे. बारावी उत्तीर्ण असणे यासाठी बंधनकारक असणार आहे. यामध्ये निवड झालेल्या उमेदवाराला ठाणे येथे जाऊन नोकरी करावी लागणार आहे. या प्रक्रियेंतर्गत एकूण 119 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे.
अशी असेल भरती प्रक्रिया…
– पदाचे नाव : पोलिस शिपाई, पोलिस शिपाई चालक.
– रिक्त पदे : 119 पदे.
– शैक्षणिक पात्रता : बारावी उत्तीर्ण.
– वयाची अट : खुला वर्ग : 18 ते 28 वर्षे, मागासवर्गीय : 18 ते 33 वर्षे.
– नोकरीचे ठिकाण : ठाणे.
– अर्जाचा शुल्क : खुला प्रवर्ग : 450 /- आणि मागास प्रवर्ग : 350 /-
– अर्ज करण्याची पद्धत : ऑनलाईन.
– अर्ज सुरू होण्याची तारीख : 5 मार्च 2024.
– अर्ज करण्याची शेवटची तारीख : 31 मार्च 2024.
– या भरती प्रक्रियेबाबत अधिक माहितीसाठी अधिकृत वेबसाईट https://thaneruralpolice.gov.in/ वरून माहिती घेता येणार आहे.
