नागपूर : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, नागपूरच्या सर्वोपचार रुग्णालयात रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
नागपूरच्या सर्वोपचार रुग्णालयात लॅब टेक्निशियन, समुपदेशक, स्टाफ नर्स आणि ICTC मोबाईल व्हॅन क्लीनर या पदांसाठी भरती प्रक्रिया सुरु होत आहे. यामध्ये निवड झालेल्या उमेदवाराला नागपूर येथे जाऊन नोकरी करावी लागणार आहे. या प्रक्रियेंतर्गत सात रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. यासाठी 17 एप्रिल 2025 ही अर्ज करण्याची शेवटची तारीख असणार आहे.
या भरती प्रक्रियेंतर्गत ऑफलाईन पद्धतीने अर्ज करता येणार आहे. त्यासाठी सिव्हिल सर्जन, सामान्य रुग्णालय, नागपूर (इंदिरा गांधी शासकीय वैद्यकीय महाविद्यालय परिसर, सीए रोड नागपूर) येथे अर्ज पाठवावा लागणार आहे. यामध्ये निवड झालेल्या उमेदवाराला 21 हजारांपर्यंत पगारही मिळणार आहे. या भरती प्रक्रियेबाबत अधिक माहितीसाठी
https://nagpur.gov.in/ अधिकृत वेबसाईटवरून माहिती घेता येणार आहे.
अशी असेल भरती प्रक्रिया…
– पदाचे नाव : लॅब टेक्निशियन, समुपदेशक, स्टाफ नर्स आणि ICTC मोबाईल व्हॅन क्लीनर
– एकूण रिक्त पदे : 07 पदे.
– नोकरीचे ठिकाण : नागपूर.
– शैक्षणिक पात्रता : दहावी उत्तीर्ण, बीएमएलटी/बीएमएलएस किंवा डीएमएलटी/डीएमएलएस, पदव्युत्तर पदवी किंवा पदव्युत्तर पदवी, बीएस्सी किंवा जीएनएम.
– वेतन/ मानधन : दरमहा रु. 18,000/- ते रु. 21,000/- पर्यंत.
– वयोमर्यादा : 60 वर्षांपर्यंत.
– अर्ज करण्याची पद्धत : ऑफलाईन.
– अर्ज प्रक्रिया सुरू होण्याची तारीख : 07 एप्रिल 2025.
– अर्ज करण्याची शेवटची तारीख : 17 एप्रिल 2025.
– अर्ज पाठवण्याचा पत्ता : सिव्हिल सर्जन, सामान्य रुग्णालय, नागपूर (इंदिरा गांधी शासकीय वैद्यकीय महाविद्यालय परिसर, सीए रोड नागपूर).
