पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, डिफेन्स करिअर अकादमी, संभाजीनगर येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑनलाईन पद्धतीने अर्ज करता येणार आहे.
डिफेन्स करिअर अकादमी, औरंगाबाद येथे उपप्राचार्य, पीजीटी, टीजीटी, पीआरटी, रिसेप्शनिस्ट, प्रो आणि समुपदेशक, रेक्टर, नर्सिंग असिस्टंट (महिला) आणि ग्रंथपाल या पदांसाठी भरती प्रक्रिया सुरु होत आहे. यामध्ये निवड झालेल्या उमेदवाराला संभाजीनगर येथे जाऊन नोकरी करावी लागणार आहे. या प्रक्रियेंतर्गत अनेक रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. या मुलाखतीसाठी CA कॅम्पस, शहापूर बंजार, खोजेवाडी फाटा, एएस क्लब ते लासूर स्टेशन रोड, छत्रपती संभाजीनगर-431002 येथे जावे लागणार आहे.
यामध्ये ऑनलाईन पद्धतीने अर्ज करावा लागणार असून, mvkp.hr@gmail.com यावर अर्ज पाठवावा. या पदासाठी अर्ज करण्याची शेवटची तारीख 12 मे 2024 असणार आहे. या भरती प्रक्रियेबाबत अधिक माहितीसाठी https://www.dcaaurangabad.org/ अधिकृत वेबसाईटवरून माहिती घेता येणार आहे.
