पुणे : तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, कोल्हापुरातील शिवाजी विद्यापीठात अनेक रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑनलाईन पद्धतीने अर्ज करता येणार आहे.
कोल्हापुरातील शिवाजी विद्यापीठात सहाय्यक प्राध्यापक (हंगामी), सहयोगी प्राध्यापक (हंगामी), अभ्यासक्रम समन्वयक (हंगामी) या पदांसाठी भरती प्रक्रिया सुरु होत आहे. यामध्ये निवड झालेल्या उमेदवाराला कोल्हापूर येथे जाऊन नोकरी करावी लागणार आहे. या प्रक्रियेंतर्गत एकूण 174 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. यामध्ये निवड झालेल्या उमेदवाराला 15,000 ते 40,000 हजारांपर्यंत पगार मिळणार आहे.
यामध्ये ऑनलाईन पद्धतीने अर्ज करावा लागणार आहे. 26 जून 2024 ही अर्ज करण्याची शेवटची तारीख असणार आहे. या भरती प्रक्रियेबाबत अधिक माहितीसाठी
http://www.unishivaji.ac.in/ अधिकृत वेबसाईटवरून माहिती घेता येणार आहे.
