पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, इंडियन ऑइल कॉर्पोरेशन लिमिटेड येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
इंडियन ऑइल कॉर्पोरेशन लिमिटेड, महाराष्ट्र येथे अर्धवेळ डॉक्टर (Part Time Doctor) या पदासाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला मिरज डेपो, सांगली येथे जाऊन नोकरी करावी लागणार आहे. या प्रक्रियेंतर्गत काही रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. या भरती प्रक्रियेबाबत अधिक माहितीसाठी https://iocl.com/ अधिकृत वेबसाईटवरून माहिती घेता येणार आहे.
या भरती प्रक्रियेंतर्गत ऑफलाईन पद्धतीने अर्ज करता येणार आहे. त्यासाठी मुख्य डेपो व्यवस्थापक, मिरज डेपो, इंडियन ऑइल बल्क पेट्रोलियम डेपो, सांगली-मिरज रोड, चंदनवाडी, श्री सिद्धीविनायक गणपती कॅन्सर हॉस्पिटलच्या मागे, मिरज-416410 येथे अर्ज पाठवावा लागणार आहे. 5 मार्च 2025 ही अर्ज करण्याची शेवटची तारीख असणार आहे.
