पुणे : चांगली नोकरी मिळावी यासाठी अनेकजण प्रयत्न असतात. त्यात तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, पुणे जिल्ह्यातील राजगुरुनगर नगर परिषदेत नोकरीची संधी उपलब्ध झाली आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑनलाईन आणि ऑफलाईन या पद्धतीने अर्ज करता येणार आहे.
पुणे जिल्ह्यातील राजगुरुनगर नगर परिषदेत सहायक अभियंता, लिपिक या पदांसाठी भरती प्रक्रिया सुरु होत आहे. यामध्ये निवड झालेल्या उमेदवाराला राजगुरुनगर (जि. पुणे) येथे जाऊन नोकरी करावी लागणार आहे. या प्रक्रियेंतर्गत एकूण 2 रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. यासाठी 26 ऑगस्ट 2024 ही अर्ज करण्याची शेवटची तारीख असणार आहे. यात निवड झालेल्या उमेदवाराला पगारही चांगला मिळणार आहे.
यात मुलाखतीची तारीख 27 आणि 28 ऑगस्ट असून, नगर परिषद कार्यालय, राजगुरुनगर, ता. खेड, जि. पुणे येथे मुलाखत द्यावी लागणार आहे. यामध्ये ऑफलाईन पद्धतीने अर्जही करता येणार आहे. या भरती प्रक्रियेबाबत अधिक माहितीसाठी https://pune.gov.in/अधिकृत वेबसाईटवरून माहिती घेता येणार आहे.
