पुणे : तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, इंडियन ऑइल कॉर्पोरेशन लिमिटेड कंपनीत रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑफलाईन पद्धतीने अर्ज करता येणार आहे.
इंडियन ऑइल कॉर्पोरेशन लिमिटेड कंपनीत सुरक्षा प्रमुख या पदासाठी भरती प्रक्रिया सुरु होत आहे. यामध्ये निवड झालेल्या उमेदवाराला अहमदनगर किंवा मनमाड किंवा सोलापूर येथे जाऊन नोकरी करावी लागणार आहे. या प्रक्रियेंतर्गत एकूण एक रिक्त पद भरले जाणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे. निवड झालेल्या उमेदवाराला 60 हजार रुपयांपर्यंत पगार मिळण्याची शक्यता आहे. या पदासाठी अर्ज करण्याची शेवटची तारीख 16 फेब्रुवारी 2024 असणार आहे.
यामध्ये ऑफलाईन पद्धतीने अर्ज करावा लागणार असून, व्यवस्थापक (सुरक्षा) वेस्टर्न रिजन पाइपलाइन, इंडियन ऑइल कॉर्पोरेशन लि., मोरबी रोड, पी.ओ. बेदीपारा, गौरीदाद, राजकोट (गुजरात)-360003 अर्ज पाठवता येणार आहे. या भरती प्रक्रियेबाबत अधिक माहितीसाठी https://www.iocl.com/ अधिकृत वेबसाईटवरून माहिती घेता येणार आहे.
