पुणे : एअर फोर्स अर्थात हवाई दल. भारतीय हवाई दलात तुमचं नोकरीचे स्वप्न पूर्ण होण्याची शक्यता आहे. कारण, भारतीय हवाई दलात नोकरीची संधी उपलब्ध झाली आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत ऑनलाईन पद्धतीने अर्ज करता येणार आहे. यामध्ये निवड झालेल्या उमेदवाराला 40 हजारांपर्यंत पगार मिळू शकेल.
भारतीय हवाई दलात अग्निपथ योजनेंतर्गत अग्निवीर वायू (क्रीडा) सेवक या पदावर भरती केली जात आहे. यामध्ये निवड झालेल्या उमेदवाराला पगारही चांगला मिळणार आहे. पण यात 21 वर्षांपर्यंत वय असणाऱ्या उमेदवारालाच अर्ज करता येणार आहे. संबंधित उमेदवाराची निवड ही चाचणी परीक्षा, मुलाखतीच्या माध्यमातून केली जाणार आहे.
यामध्ये निवड झालेल्या उमेदवाराला 30 हजार ते 40 हजारांपर्यंत पगार मिळू शकणार आहे. अर्ज करण्याची शेवटची तारीख 29 ऑगस्ट 2024 पर्यंत असणार आहे.
अशी असेल भरती प्रक्रिया…
– पदाचे नाव : अग्निपथ योजनेंतर्गत अग्निवीर वायू (क्रीडा).
– वेतन / मानधन : दरमहा रु. 30,000/- ते रु. 40,000/- पर्यंत.
– वयोमर्यादा : 21 वर्षांपर्यंत.
– अर्ज करण्याची पद्धत : ऑनलाईन.
– अर्ज प्रक्रिया सुरू होण्याची तारीख : 20 ऑगस्ट 2024.
– अर्ज करण्याची शेवटची तारीख : 29 ऑगस्ट 2024.
– या भरती प्रक्रियेबाबत अधिक माहितीसाठी https://agnipathvayu.cdac.in/AV/ या अधिकृत वेबसाईटवरून माहिती घेता येणार आहे.
