पुणे : ‘टाटा इन्स्टिट्यूट ऑफ सोशल सायन्सेस’ येथे तुमचं नोकरीचे स्वप्न पूर्ण होण्याची शक्यता आहे. कारण, या ठिकाणी अनेक रिक्त पदांवर भरती केली जाणार आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे. या भरती प्रक्रियेंतर्गत थेट मुलाखतीच्या माध्यमातून संबंधित उमेदवाराची निवड केली जाणार आहे.
‘टाटा इन्स्टिट्यूट ऑफ सोशल सायन्सेस’ येथे सामाजिक कार्यकर्ते (पूर्ण वेळ) या पदांवर भरती केली जात आहे. यामध्ये निवड झालेल्या उमेदवाराला पगारही चांगला मिळणार आहे. पण यात एम.ए. इन सोशल सायन्सेस असणे गरजेचे असणार आहे. ही पात्रता असणाऱ्या उमेदवारालाच अर्ज करता येणार आहे. अर्ज प्रक्रियेला सुरुवात झाली असून, 10 नोव्हेंबर, 2024 ही अर्ज करण्याची शेवटची तारीख असणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे.
या भरती प्रक्रियेत ऑनलाईन माध्यमातून अर्ज करता येणार असून, या प्रकियेंतर्गत एकूण 3 रिक्त पदे भरली जाणार आहेत. यामध्ये निवड झालेल्या उमेदवाराला नवी मुंबई, पुणे, मुंबई येथे जाऊन नोकरी करावी लागणार आहे. या भरती प्रक्रियेबाबत अधिक माहितीसाठी http://www.tiss.edu/ या अधिकृत वेबसाईटवरून माहिती घेता येणार आहे.
