पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, रायगड येथील प्रादेशिक कृषी संशोधन केंद्रात रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
प्रादेशिक कृषी संशोधन केंद्र, रायगड येथे कृषी सहाय्यक या पदासाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला रायगड येथे जाऊन नोकरी करावी लागणार आहे. या प्रक्रियेंतर्गत एक रिक्त पद भरले जाणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे. सदर मुलाखत ही 18 डिसेंबर 2024 रोजी घेतली जाणार आहे. ही मुलाखत मुख्य अन्वेषक आणि कीटकशास्त्रज्ञ, प्रादेशिक कृषी संशोधन केंद्र, कर्जत, जि. रायगड येथे घेतली जाणार आहे.
या भरती प्रक्रियेंतर्गत ऑफलाईन पद्धतीने अर्ज करता येणार आहे. त्यासाठी मुख्य अन्वेषक आणि कीटकशास्त्रज्ञ, प्रादेशिक कृषी संशोधन केंद्र, कर्जत, जि. रायगड येथे अर्ज पाठवावा लागणार आहे. यामध्ये निवड झालेल्या उमेदवाराला 16,000 रुपयांपर्यंत पगारही मिळणार आहे. या भरती प्रक्रियेबाबत अधिक माहितीसाठी https://www.dbskkv.org/ अधिकृत वेबसाईटवरून माहिती घेता येणार आहे.
