पुणे : सरकारी नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, सातारा येथील एका सरकारी शाळेत रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
सातारा येथील जवाहर नवोदय विद्यालय येथे TGT शारीरिक शिक्षण शिक्षक (महिला) या पदासाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला सातारा येथे जाऊन नोकरी करावी लागणार आहे. या प्रक्रियेंतर्गत काही रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. सदर मुलाखत ही 23 जानेवारी 2025 रोजी घेतली जाणार आहे. यामध्ये निवड झालेल्या उमेदवाराला 34,125 रुपयांपर्यंत पगारही मिळणार आहे.
या भरती प्रक्रियेंतर्गत आता तुम्हाला अर्ज करता येणार आहे. यासाठी मुलाखत घेतली जाणार असल्याने सदर मुलाखत ही पीएम श्री शाळा, जवाहर नवोदय विद्यालय, केश्त्रमाहुली, जि. सातारा-415003 येथे होणार आहे. या भरती प्रक्रियेबाबत अधिक माहितीसाठी https://www.navodaya.gov.in/ या अधिकृत वेबसाईटवरून घेता येणार आहे.
