पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, महाराष्ट्र कर्मचारी राज्य विमा संस्था रुग्णालय, चिंचवड येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
महाराष्ट्र कर्मचारी राज्य विमा संस्था रुग्णालय, मोहननगर, चिंचवड येथे दंत शल्यचिकित्सक या पदासाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला चिंचवड, पुणे येथे जाऊन नोकरी करावी लागणार आहे. या प्रक्रियेंतर्गत एक रिक्त पद भरले जाणार आहे. संबंधित उमेदवाराची निवड ही मुलाखतीच्या माध्यमातून केली जाणार आहे. सदर मुलाखत ही 17 एप्रिल, 2025 रोजी दुपारी 2 ते 4 दरम्यान घेतली जाणार आहे. यामध्ये निवड झालेल्या उमेदवाराला 75000 रुपयांपर्यंत पगार मिळू शकतो.
या भरती प्रक्रियेंतर्गत ऑफलाईन पद्धतीने अर्ज करता येणार आहे. त्यासाठी महाराष्ट्र राज्य कामगार विमा सोसायटी, रुग्णालय, मोहननगर, चिंचवड, पुणे-19 येथे जाऊन मुलाखत द्यावी लागणार आहे. या भरती प्रक्रियेबाबत अधिक माहितीसाठी
https://www.esic.nic.in/ अधिकृत वेबसाईटवरून माहिती घेता येणार आहे.
