पुणे : आपल्याला चांगली नोकरी मिळावी, असे अनेकांना वाटत असते. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, कृषी विज्ञान केंद्र येथे रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
कृषी विज्ञान केंद्र, यवतमाळ येथे सीनियर रिसर्च फेलो आणि यंग प्रोफेशनल-I या पदांसाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला यवतमाळ येथे जाऊन नोकरी करावी लागणार आहे. या प्रक्रियेंतर्गत दोन रिक्त पदे भरली जाणार आहेत. संबंधित उमेदवाराची निवड ही मुलाखतीच्या माध्यमातून केली जाणार आहे. सदर मुलाखत ही 17 डिसेंबर 2024 रोजी चेंबर ऑफ सीनियर सायंटिस्ट अँड हेड, कृषी विज्ञान केंद्र, वाघापूर रोड, वावतमाळ- 445001 येथे घेतली जाणार आहे.
या भरती प्रक्रियेंतर्गत ऑफलाईन पद्धतीने अर्ज करता येणार आहे. यामध्ये निवड झालेल्या उमेदवाराला वरिष्ठ संशोधन फेलो या पदासाठी 31,000 तर यंग प्रोफेशनल-I या पदासाठी 30,000 रूपये दरमहा पगार मिळणार आहे.
