पुणे : चांगली नोकरी मिळावी, यासाठी अनेकांचा प्रयत्न असतो. त्यात काहींना यश मिळते तर काहींना प्रतिक्षाच करावी लागते. पण तुम्ही देखील नोकरीच्या शोधात आहात? तर तुमचा हा शोध आता संपण्याची शक्यता आहे. कारण, चंद्रपूरच्या जिल्हा सामान्य रुग्णालयात रिक्त पदांवर भरती केली जात आहे. त्यानुसार, पात्र असणाऱ्या उमेदवारांकडून अर्ज मागविण्यात येत आहे.
जिल्हा सामान्य रुग्णालय, चंद्रपूर येथे स्टाफ नर्स, प्रयोगशाळा तंत्रज्ञ या पदांसाठी भरती प्रक्रिया सुरु होत आहे. यासाठी मुलाखत घेतली जाणार आहे. यामध्ये निवड झालेल्या उमेदवाराला चंद्रपूर येथे जाऊन नोकरी करावी लागणार आहे. या प्रक्रियेंतर्गत दोन रिक्त पदे भरली जाणार आहेत. यामध्ये निवड झालेल्या उमेदवाराला पगारही चांगला मिळणार आहे. यासाठी 25 मार्च 2025 ही अर्ज करण्याची शेवटची तारीख असणार आहे.
या भरती प्रक्रियेंतर्गत ऑफलाईन पद्धतीने अर्ज करता येणार आहे. त्यासाठी तिसरा मजला, सिव्हिल सर्जन ऑफिस, जनरल हॉस्पिटल चंद्रपूर, छोटा बाजार, जटपुरा गेटजवळ, चंद्रपूर- 442 402 येथे अर्ज पाठवावा लागणार आहे. यामध्ये निवड झालेल्या उमेदवाराला 21000 रुपयांपर्यंत पगारही मिळणार आहे. या भरती प्रक्रियेबाबत अधिक माहितीसाठी https://chanda.nic.in/ अधिकृत वेबसाईटवरून माहिती घेता येणार आहे.
